Lian Orluli – Komisariu Jeral Henrique da Costa hato’o asuntu ne’e hafoin hala’o vizita kortejia iha Komandu Polisia Nasional Timor-Leste ho membru sira iha Ainaro segunda ne’e hodi relata informasaun relasaun seguransa relasiona ho vizita sua santidade nian iha fulan oin
“Relasiona ho vizita sua Santidade papa Francisco mai Timor Leste, tanba ne’e parte seguransa papel ida importante tebes, ho nune’e mak halo vizita mai iha komandu Munisipiu Ainaro, hodi fo orientasaun ba komandante PNTL, molok vizita ne’e realiza ita iha ona medida prevenesaun sira , nune’e parte seguransa hodi servisu Hamutuk ho Autoridade lokal, no Autoridade Munisipiu sira, hodi prepara ita nia sarani sira hodi hala’o viajen ba Dili, no mos halo nedidas prevenesaun ruma, bele mos ema balun aproveita,vizita ida ne’e hodi kria fila fali estabilidade iha Munisipiu sira no mos parte seguransa sei halo kordenasaun ho Autoridade Munisipiu, veteranus , Igreja, Juventude sira hotu , para nune’e bele garante seguranca iha Munisipiu”. Komisariu Jeral PNTL ne’e dehan iha komando PNTL Munisipiu Ainaro segunda ne’e (29/07/2024).
Tanba ne’e Prezidente Autoridade Munisipiu Ainaro Manuela Georgina Carmo Bucar Corte-Real subliña, sei servisu hamutuk ho PNTL garante seguransa hodi prepara ba vizita Sua Santidade Papa Francisco iha Timor-Leste
” Em relasaun ba preparasaun amu Papa Francisco nian mai iha Timor Leste ami husi Munisipio Ainaro hamutuk ho parte PNTL hala’o servisu masimu tebe-tebes no ema ida-idak hala’o tuir nia knaar hanesan seguranca no mos oinsa mak atu rejista, xefe suku sira, ita nia Igreja komunikasaun sira ne’e, ami hato’o ba maibe emtermus de seguransa nian ami hato’o ba polisia tanba ami nia kompetensia la to’o iha ne’eba no mos atu hare’e ba se mak hakarak sai hanesan peregriñas no se mak labele rejista tama iha lista peregriñas ida ne’e maibe ami fahe servisu em relasaun ba difikuldades ami bele rezolve kestaun ne’ebe Ami hanoin atu husu tan atensaun maka ita ba tenki organizadu , normalmente kuandu ita ba sempre organizadu maibe ita fila fali ne’e mak sempre mosu Problema tanba ne’e ami husu sem onra Komandante Jeral bele portifika tan husi Munisipiu para depois ami fila mai ne’e labele mosu problema to’o mai Munisipiu Ainaro “, Dehan PAM Ainaro.
Enkuantu, PNTL Sei Organizadu no hamutuk ho Autoridade sira hodi akompaiña peregriñu sira, iha ambitu vizita Sua Santidade Papa Franscisco Iha Timor-Leste
Jornalista : Sara Lewis
Editor : Lian Orluli
