Lian Orluli— Parlamentu Nasionál liu husi Komisaun A hala’o fiskalizasaun ho autoridade, kargu xefia, lideransa komunitaria iha Ainaro kona-ba bens moves liu-liu problema disputa rai hodi labele fo impaktu ba prosesu dezenvolvimentu
“Ohin ita hamutuk iha ne’e ho asuntu importante tebe-tebes tanba nai deputadu sira hakat to’o mai iha Ainaro, atu hato’o ba ita hotu kona-ba bens no moveis sai kestaun bo’ot ida ba iha dezenvolvimentu, estatutu seidauk lo’os, kuandu ita atu halo dezenvolvimentu hasoru mak rai kultura, rai suku, rai privadu, rai jerasaun avos sira nian, halo ita hakat la lu’an, haka’at klo’ot, la hamri’ik sama rai ne’e metin hodi halo dezenvolvimentu, ida ne’e mak ita hasoru hela , tanba ne’e mak ohin importante teb-tebes konvida xefe suku sira iha ne’e administradór postu, diretor servisu Munisípal, ami hakarak rona, no hakarak iha IX governu ne’e ami hakarak hakat lu’an, hamri’ik metin, kestaun ida husu mai ami mak ne’e dezenvolvimentu ne’e iha ne’ebé?, sensibilizasaun ba bens no moveis ne’e importante teb-tebes ami ka’er iha liman, nune’e ami hamri’ik metin hodi hakat halo dezenvolvimentu, nune’e komunidade iha Munisípiu Ainaro bele senti, dezenvolvimentu ne’e mak Independensia”, dehan PAM iha abertura.
Xefe Suku Ainaro villa Agapito Fátima dehan problema sidadaun sira okupa rai estadu, bai-bain akontese, tanba ne’e nia parte ejiji atu aprova lei ba okupante rai estadu tantu privada sira hodi labele taka dalan ba dezenvolvimentu
‘’Ainaro nu’udar área urbana, liu iha suku Ainaro akontese problema rai bar-barak, tanba sidadaun sira okupa rai estadu, uma estadu nian, maibe hau hamutuk ho Terrras Propaidades identifika, bazeia ba lei no dekretu, maibe nafatin komunidade barak mak seidauk komprende konaba leis, ida ne’ebé governu Timor-Teste nian ne’ebe mak durante ne’e la’o dadauk, ami ejiiji nafatin governu atu aprova lei ida ne’ebé mak sidadaun ida atu okupa uma ou rai estadu, rai eransa liurai nian, kultura nian, importante estadu nia rai problema ne’e akontese bei-beik ona iha munisipiu Ainaro no mos kona-ba rai kominal, no provokasaun rai estadu ne’e oinsa ba to’o iha tribunal, hodi taka dalan ba dezenvolvimentu governu ninian, iha munisípiu Ainaro’’, xefi suku ne’e hato’o iha diskusaun
Antonio de Sousa Gama, Vize Parlamentu Nasionál komisaun A haktuir, tuir KRDTL atribui kompetensia hodi halo lei, deside, aktus governativas, liu-liu fiskaliza lejislasaun balu ne’ebe liga ho disputa rai
“Komisaun A agradese tebes ba disponibilidade Prezidente Autoridade Munisípiu Ainaro bele simu konvite vizita komisaun A iha Munisípiu Ainaro, iha natureza servisu fizkalizasaun, Parlamentu Nasionál nian, ba aktus governativas sira, Parlamentu Nasionál nia kompetensia tuir Konstitusaun da Repúblika atribui kompetensia tolu, atu halo lei, fiskaliza aktus governativas sira, hola desizaun polítika ba estadu no nasaun ba matrikula sira mak Parlamentu Nasionál hasai, Ohin ami nia tékniku introduz oituan kona-ba komisaun A ninian bar-barak tebes, no komisaun A nia Prezensa iha Ainaro atu halo fizkalizasaun, aumezmu tempu fiskaliza legislasaun ne’ebé iha relasaun barak liu ho asuntu rai, tanba asutu ida ne’e importante, tanba ita iha ona lei tolu kompleta tan dekretu lei implementasaun 6 ne’ebé trata ba asuntu rai ninian, ne’ebé ita rejista iha fatin-fatin Munisipiu hotu-hotu kona-ba disputa rai origintal, disputa vertikal katak disputa entre komúnidade ho komunidade, Autoridade ho komunidade, tanba rai, autoridade presiza atu halo dezenvolvimentu la’o dadauk loron ida ka rua ita rona disputa iha ne’ebá komesa dehan rai ne’e nian, tanba avo sira mak rai hela, la fó espasu ba governu atu lori dezenvolvimentu hadia ita nia rai, no iha Parlamentu Nasionál loron-loron ami simu keixa sira pertisaun sira tama iha Parlamentu Nasionál, no ami rejista problema no petisaun barak liu mak disputa rai, ida ne’e mak ami tama iha Munisípiu, barak liu hakarak atu rona ita bo’ot sira problema saida mak tama iha dekretu lei implementasaun 6, inves de redúz maibé aumenta tan, problema ne’e mak ami ba to’o munisípiu sira, hodi rona kuadru sira ne’e mak seidauk bele sai hanesan instrumentu hodi fó ba realidade no solusaun ou sidadaun rasik mak seidauk tama iha sadar Ukun, ka ita halo buat ruma tan hodi kompleta kuadrus sira ne’e iha”, Vice PN Komisaun A Antonio haktuir iha vizita ne’e remata.
Atividade dialogu, rona no hato preokupasaun liga ba bens moves ne’e hala’o iha salaun nkontru Administrasaun Munisípiu Ainaro, durante loron ida partisipa husi Xefe suku, Administrador Postu Administrativu haat, Diretor servisu Munisípal, Delegasaun Teritorial no PNTL .
Jornalista : Sara Lewis
Editor : Lian Orluli
