Lian Orluli–Diretor PIDM Alexandrino de Araújo Gomes hateten planu proposta iha 27 husi ministério Central aprovasaun deit 5 no projeito sira sei implementa iha tempo badak
“Tuir planu proposta ne’ebé mai husi suku, no Diretor servisu Munisipal, Diretor delegasaun Teritorio hamutuk proposta 27 ho nia montante orsamentu 6361.739.69 ida ne’e maka Ita haruka ba Ministeru Central, maibe Ita haruka proposta 27 ne’e aprovasaun deit 5 -.Proposta sira ne’e mai husi suku,Proposta aprovado ona sei laiha problema ruma, sefi suku sira hatene tamba projeitu ne’e ba iha sira nia area projetu ne’e los ona, hein semana ida ka rua Loke tan tenderijasaun ba Kompania sira ne’ebé manan sei lori sira ba implementa ” dehan Diretor PIDM
Alende ne’e Sefi suku Mau-nuno Valenti Ramos Bianco rekomenda ba autoridade sira atu aselera lalais projetu refere nune’e komunidade sira bele utiliza fali natar nian iha tinan oin
“Reabilitasaun irigrasaun ne’e komesa husi mota ulun tama to natar Luan 126 hectares durante ne’e abandona hela, entaun komunidade sira utiliza hodi halo fali tos deit halo Natar ladiak tanba be kanu ne’e kotu to agora, husu ba Autoridade Munisipiu sira bele aselera programa ida ne’e lalais atu nune’e iha tinan oin mai,bele utelizia fali fali ba natar”, Rekomenda xefe Mau-nuno
Entretantu Projetu Lima ho orsamento ne’ebé sei implementa iha Ainaro maka Dahuluk Konstrusaun Centru Saúde Mau-Lau Postu Maubisse ho orsamentu $ 250.000,00.-Daruak Reabilitasaun Irigrasaun Mau-Nuno,Postu Ainaro,ho orsamentu $ 125.011,00 -Datoluk Reabilitasaun Estrada Hatu-Seraquei ba Hatu-Builico Villa Sta.0+000+13+671 suku Nuno-moge,postu Hatu-Builico ho Orsamentu $ 350.591,00 -Dahat Kontrusaun uma ba doutor iha aldeia bazar suku suru kraik,postu Ainaro, Orsamentu $ 78.421,10 -Dalima Konstrusaun postu saúde Manelobas Postu Maubisse,Orsamentu $ 120.000,00 Total orsamento husi projeitu 5 maka: $ 924.023,10
Jornalista:Elzy
Editor : Lian Orluli
