Lian Orluli- kinta (17/06/2022)-Programa Nasional Dezenvolvimentu Suku (PNDS) hamutuk ho membru Parlamentu Nasional (PN), ofisialmente hala’o serimonia inagurasaun Uma Kbiit Laek (UKL) hamutuk tolu ne’ebé konstrui ho total orsamentu $.51.000 husi PNDS iha suku Manutasi postu administrativu Ainaru, munisipiu Ainaro.
Orsamentu konstrusaun kada uma ida hetan $.17.000 total uma tolu ne’e gastus total $.51.000 too hala’o serimonia inagurasaun hafoin entrega ba benefisiariu nain tolu kompostu husi Francisca Cardoso, (faluk oan nain 4), .Juliana Xavier, (faluk oan nain 2) no Marcalina da Silva, (faluk oan nain 10).
Reprezentante uma fukun parlamentu nasional deputadu Antonino Bianco afirma Ainaro inaguran tan uma ba kbi’it laek tolu, katak ne’e espesial tebes iha Munisipio Ainaro liu-liu ba suku Manutasi atu fornese ba ema maluk kbiit laek sira atu moris ho dignu.
“Hanesan reperezenta povu simu konvite, reprezentante ba orgaun soberanu hotu hodi bele marka prezensa iha fatin ne’e atu inagura ba uma kbi’it laek ne’ebe konstrui hotu ona, atu nune’e ita nia kbi’it laek sira bele aproveita hela ho dignu, no fazeadamente husi parte governu nian nafatin buka hodi tenta atu rezolve ba sira ne’ebe kbi’it laek”. dehan deputudau ne’e.
Reprezentante povu ne’e mos rekomenda ba autoridade lokal sira iha munisipiu Ainaro oinsa solusiona kbiit laek sira ne’ebe laiha propriedade rai hodi konstrui uma presiza buka solusaun.
“Sira ne’e kbi’it laek ona, autoridade lokal no lider komunitáriu sira presiza atu buka dalan hodi atribui rai estadu nian ba komunidade ne’e, tanba estadu ne’e iha rai, tanba sai ukun nain atu liberta povu liu husi kontribuisaun tuir kbi’it ne’ebe nasaun timor Leste dignifika,’’katak nia.
Iha fatin hanesan inan faluk kbi’it laek Marcelina da Silva espresa sentimentu haksolok ho programa governu nian liu husi PNDS bele harii ona uma ba nia atu bele hela iha fatin dignu.
“ Ha’u sente kontente governu fo prezente bo’ot ida ne’e mai ami faluk Kbi’it laiha ne’e, agora ha’u bele hela iha fatin diak ho ha’u nia oan nain 10 ne’e, ha’u agradese tebes ba governu ida ne’e,’’ hateten Marcelina
Entretantu, João Paulo Araújo nu’udar enjeneiru ba dezenador relata, Uma kbiit laek ne’ebé PNDS konstrui kada suku ida uma tolu ho medida la hanesan bazeia ba dezeñu BoQ, rezultadu uma balun medida kiik no balun medida boot natoon.
“Uma tolu ne’e implementa iha tian kotuk 2021, foin entrega iha tinan ne’e 2022, tanba infrenta hela Pandemi Covd-19 impede durante fulan 8 ne’e, no uma tolu ne’e tipu 2 bo’ot ho númeru metru 64 meter kuadradu no ida ki’ik no metru 52 meter kuadradu , kiiik tanba bazeia ba fixa família no-mos kondisaun ho rai maka kiik duni,’’Enjeneiru ne’e esplika.
Nia dehan, orsamentu kada uma ida ho montante $.17,000, konstrui ba uma tolu ne’e total $.51,0000.
‘’Osan ne’ebe haruka ba uma tolu ne’e total $51,000, gastus ba uma rua ne’e kada uma ida $17,000 no ida medida kiik oituan ne’e gastus $16.000, restu $.1000 gastus tiha ba ekipamentus uma laran nian hanesan kama meja kadeira no sasan seluk ne’ebe presija iha uma laran nian,’’ salienta injeñeiru João Paulo Araújo.
Observasaun Lian Orluli.news nota uma tolu ne’e inagura husi autoridade munisipio Ainaro kompostu husi Diretór Terras Propriedade Filomeno da Silva, reprezentante povu iha uma fukun Parlamentu Nasional deputadu, Antonino Bianco, Amu Paroquia Ainaro, Armindo Brito, inklui PLAN Internasional ho komunidade Aldeia Bau-hati-lau, suku Manutasi rasik.
Editor : Lian Orluli
