Lian orluli-13/06/2022- Komandu Polísia Nasionál Timor-Leste (PNTL) munisípiu Ainaru realiza misa agreadesementu hodi selebra loron Santu Antonio nu’udar padrueira no mahein ba PNTL Ainaro.
Misa ne’e hala’o iha Igreja Santa Maria Ainaro, segunda (13/06/2022) hamutuk ho organizasaun Santu Antonio no sarani paroquia Ainaro,
Vigário paróquia Santa Maria Ainaro, Pe Eugenio Redentor iha nia homilia husu ba PNTL Ainaro Atu bele banati tuir lala’ok Santo Antonio.
“Husu ba PNTL Ainaro atu banati tuir lalaok Santu Antonio nian, tanba nia santu ida ne’ebe fuan bo’ot no milagroju, nue’e mos ba loron ida ohin husu ba sarani sira hotu atu bele preserva hamutuk Santu Antonio nia istória no lalaok sira.” dehan Nailulik ne’e
Vigario Parókia Santa Maria ne’e hato parabens ba PNTL munisípiu Ainaro kompostu husi postu eskuadra 4 ne’ebé hala’o devosaun ba Santu Antonio, deseja rahun diak wain nafatin atu tuir Santu Antonio nia ain fatin, Santu Antonio hanesan Mahein no mata-dalan no matenek boot ba ema hotu liu-liu PNTL munisípiu Ainaro.
Iha fatin hanesan, Komando PNTL Munisipiu Ainaro, Justino Menezes sente orgullu hili ona Santo Antonio nudar padroéiru ba PNTL nian hodi fo mahon no proteje membru iha kna’ar loron-loron.
“ Agradese wain ba maluk sarani sira hotu espesial ba membrus PNTL Comando Muisipio Ainaro ho nia familia sira nune’e mos ba sira ne’ebe Devosaun Santo Antonio ho nai ulun lulik sira husi posotu hat, bele partisipa enseramentu ba loron santo Antonio nian, ne’ebe durante Loron Lima lao haleu postu hat (4) lao ho diak tebes, no ikus loron 13 de Juñu ita ensera iha komando PNTL Ainaro, agrdese tamba ho nia tulun no bensaun bele lao diak”. Dehan Komandante Komandu PNTL Ainaro ne’e.
Observasaun lian orluli nota iha selebrasaun misa agradesimentu ne’e hetan partisipasaun másimu husi autoridade munisípiu Ainaru, membru PNTL hotu inklui sarani parókia Santa Maria Ainaro, durante misa la’o ho hakmatek husi inisiu too remata.
Editor: Lian Orluli
