Lian Orluli– Komandante PNTL Munisipiu Ainaro superentendente Asistente Luis da Cilva Informa, Konfrontu ne’ebé akontese iha sabadu oras tuku 09:00 kalan deskomfia enter joven sira husi Ainaro Leten no bairo Tanque tuda malu rejulta uma lima hetan tuda harahun janela inklui uma kalen kuak.
Komandante Luis Da Cilva Fundamentu kronolojiu husi konfrontu ne’e tanba lanu mosu provokasaun, no Policia indentifika ona suspeitu nain ha’at ho inisial MC AN SI JA hodi submete ba prosesu identifikasaun.
“Joven sira hemu lanu hodi hamosu provokasaun, ami konsege identifika joven nain hat bolu mai komando halo identifikasaun hodi loke prosesu kuntinuasaun” Dehan Komandante PNTL Munisipiu Ainaro Luis Da Cilva iha ambitu Dalogu urgenti ho komunidade inklui joven sira, iha salaun enkontru Administrasaun Munisipiu Ainaro,(17/09/2024)
Vítima Arquemenio Orleans hatete, komunidade ne’ebe hetan estragus niauma la envolve iha problema tanba ne’e nia husu ba PNTL atu kaptura sira hodi prosesa
“Ami fila husi Dili deskansa tanba kolen no kalan boot tia ona, la hatene labarik sira provoka malu iha karaik maka ne’e ga ho derepenti uma tarutu no ami hakfodak ami halai sai hare fatuk mai naba-naba deit, taun anesan vitima inosenti nonok deit, tanba atu sai mos tauk fatuk kona ami, purtantu ami nono deit iha uma laran, konsege ami sai duni hodi salva, hafoin sira mai barak los ho fatuk tuda mai iha uma oin tau ami hamahan aan iha uma laran deit, konsege sira husi karaik maka sai duni hakilar komu iha leten forsa barak husi joven, labarik, ferik no katuas sira maka iha leten, no ami la hatene mutivu ne’e no kauja saida?” dehan Vitima Aquemenio iha nia rejindensia (16/09/2024)
Alein de ne’e mos vitima Filomena de Orleans hatutan, nia uma laos maka foin tuda maibe’e hahu kedas iha tinan 2004 mai to agora sempre hetan tuda, tanba ne’e husu ba Autoridade seguransa atu kaptura autor sira hodi submete ba invetigasaun.
“Mai hau, laos maka foin primeira ves atu tuda uma ne’e, uma ne’e desde tinan 2004 ate aprejente data, tinan-tinan ami sempre sofre tuda uma, tuda ne’e laos hau nian mesak maibe uma lima ne’ebé forma iha ne’e hetan tuda hotu. Iha Akontese horbainruak kalan ne’e hau laiha no hau iha hela Dili ba tia Lospalos, fila mai kalan tun husi kareta iha oras 09:00 ne;e labarik sira informa iha ne’e uma rahun hotu, tanba ne’e hau husu ba autoridade seguransa atu kaer autor sira ne’e para atu iha investigasaun kalaru i kazu ne’e se bele hakarak ba tribunal”, hatutan Vitima Filomena
Entretantu ho problema ne’e Polisia sempre halo patrullamentu hodi netraliza situasaun iha Munisípiu Ainaro
Jornalista : Lian Orluli
Editor : Lian Orluli
