Ainaro Lian Orluli—Comando PNTL Munisípiu Ainaro Inagura Postu Tránzitu 2, iha Postu Ainaro-vila hodi Asegura Transporte Públiku Sira Ne’ebe Hala’o Movimentu ba mai
Segunda-feira (20/02/23), Ba Lian Orluli comandante comando PNTL Munisípiu Ainaro Paulino Carmo Pereira hateten inagura postu tránzitu 2 iha postu Ainaro vila hodi asegura no prevene asidente
“Postu tranzitu ne’e nia funsaun atu kontrola movimentu transporte ne’ebe iha ita nia munisipiu laran no kontrolu mos transporte sira husi munisipiu seluk ne’ebe halo movimentu ba mai liu husi ita nia munisipiu hanesan sira husi Covalima ne’ebe halo movimentu ba mai kapital Dili sei liu husi diresaun Ainaro, tan ne’e hodi harí’i postu trànjitu nune’e bele kontrolu ho di’ak movimentu transporte sira hodi bele prevene no bele redus asidente , fatin rua hari’i Postu maka fatin ne’ebe identifika ona transporte movimentu ba mai barak, no efetivu liu bainhira Policia tránzitu sira hala’o kná’ar adekuadu nune’e bele ezerse mos funsaun ho diak liu tan,” Paulino Carmo hateten
Enkuantu kunstrukasaun postu Tránzitu rua hala’o iha tinan 2022, hetan apoiu husi Kompañia Bedfor (Mauqei).
Observa Lian Orluli, inagura postu rua ne’e hetan partisipasaun másimu husi Autoridade Munisípiu Ainaro Sr, Leovegildo Amaral Pereira, Autoridade Protesaun Cívil munisipiu Ainaro , amu paróku Ainaro, inklui xefe suku hitu ho nia estrutura, no partisipa mos husi nain Beadfore (Mauquei)
Jornalista : Norvia
Editór : Lian Orluli
