Lian orluli-3-07-2022- PNTL munisipiu Ainaro liu husi komandante investigasaun (VPU), Armindo do Rosario Araujo afirma, hahu husi fulan Janeiru too Junu rejista kazu asaltu sexual ba minoridade nain 2, violénsia bazea ba jéneru 18 no kazu violénsia doméstika hamutuk 16.
“Tuir gráfiku krime ne’ebé ami rejistu iha Munisípiu Ainaro kona-ba (VBG) Violensia Bazeia ba jéneru, husi janeiro mai to 28 de juñu ne’e total kazu ne’ebe maka numeru as liu maka violensia doméstika hamutuk 16, ofensas simples iha 15 no asalto sexsual ba menoridade iha nain 2,’’ informa xefe investigasaun ne’e ba Lian Orluli news iha kna’ar fatin foin lalais.
Tuir investigador ne’e kazu hira ne’e da-daun submete ona ba Ministériu Públiku (MP) hodi hein prosesu julgamentu iha tribunal hodi hetan desizaun justu ba autores sira ne’ebe komete kazu hirak ne’e.
‘’Kaju sira ne’ebe rejistu iha munisipiu Ainaro, ami haruka hotu ona ba Ministério Públiko kona-ba kazu asaltu sexsual ba vítima nain rua ne’ebe ho idade minoria nain rua oras ne’e dadaun arguido ida iha ona prizaun preventiva, no arguido ida mate ona, prosesu ne’e ita haruka ona ba tribunal ba ministerio publiku ita hein desizaun saida maka tribunal atu foti”.nia hatutan
Entretantu, Iha kazu asaltu sexual ba menoridade ida tinan 14 ida 15, vítima nain rua ne’e oras ne’e ho kondisaun grávida hotu no agora hela ho sira nia familia, tanba liberta ona husi prosesu investigasaun hein desizaun husi tribunal.
Editr: Lian Orluli
