Ainaro lian Orluli-12-10-2022- Komando PNTL munisípiu Ainaro liu husi servisu investigasaun rekolha mate isin ida iha área Bibau aldeia Tukaro suku Nunumoge postu administrativu Hato-builico munisípiu Ainaro, Mate isin ne’e hetan husi labarik ida iha área plantasaun kafé laran
Tuir Merita Tilman haktuir antes iha loron segunda feira Francisco Soares tinan 35, núdar matebian ho nia espoza sei lori hela nia oan ba baisa iha Hospital sentru Ainaro, hafoin iha loron ne’e kedas Francisco Soares fila ba uma iha área fatumetalau, liu husi dalan korta kafé- laran iha área Nunu-moge ninian, ikus mai Francisco soares la to’o nia uma Fatumetalau, nune’e familia sira iha tersa feira horseik buka tuir iha kafé-laran la hetan Francisco soares nia paraderu, nune’e iha kuarta feira ohin komunidade kontinua buka tuir francisco soares nia paraderu ikus mai hetan Francisco Soares monu latan hela ba rai no raan sulin sai makaas husi ibun laran.
“Iha kinta ne’e hau nia oan ida ki’ik moras dearea hau ho oan mane bo’ot sei lori ba Hospital Sentru Ainaro, hau nia kaben mane tuir ami ba iha hospital to iha neba matebian husu fila atu hare osan iha uma baihira alta hodi selu kareta,no tuir informasaun nia ba uma liu husi dalan korta kafé-laran liu ona lron rua matebian sedauk to uma, tanba ne’e famli deside hodi buka, hetan fali nia mate ona iha kafé laran ”. Dehan Merita Tilman nudar espoza
Hafoin akontesimentu polísia to’o iha fatin akontesimentu hodi dada liña polísia no halo identifikasaun ba francisco soares nia isin mate lori mai hein kareta iha estrada públiku Nunu-moge villa nune’e bele transporta ba Díli hodi submete ba prosesu autopsia
Enkuantu evidensia ne’ebé mak polísia rekolha iha terenu mak hanesan pasta ida, sinelus, sapeu, Aimoruk no ropa bebe ninian, Matebian mate husik hela nia oan na’in neen no nia espoza
To’o notisia ne’e orluli news públika seidauk hetan konfirmasaun ho komandante investigasaun munisípiu Ainaro nian tamba laiha fatin akontesimentu.
Edito: orluli News
