Lian Orluli— Xefe Postu Saude Horaiquic Maubisse halo Promosaun integradu ba komunidade Aldeia Aihou Suku Aituto tanba dau-daun ne’e tempu udan presiza kuída lixu no mantein ambiente nun’e hodi labele kria moras afeta ba saúde
“Ita halo atividade ida ne’e mak ita hanaran promosaun Integradu katak ita fahe informasaun ba komunidade sira, oinsa mak frekuensia iha tempu udan hanesan moras denge, moras malaria diareia, ne’e mak objetivu mai para ita fahe informasaun ba komunidade sira oinsa tempu udan prontu ita nia formasaun, ita sei halo to’o dia 13 Dezembru iha suku ha’at mak se’i hetan atividade ida ne’e foin hotu iha suku Manelobas, suku Aituto to’o suku Horaiquic no seluk se’i kontinua to’o Maubisse, suku lima seluk ita sei halo iha tempu tuir mai”, dehan xefe postu saúde Horaiquic Maubidse Artur Sarmemto Martins iha atividade promosaun informasaun moras hada’et ne’e iha Aldeia Aihou Suku Aituto Maubisse sesta ne’e, 8/12/2023
Tanba ne’e nia parte apela ba komunidade sira atu mantein ambiente iha uma hun sira ho mós nune’e labele kria susuk
“Mensagen ne’ebe mak atu halo ba komunidade sira lebele soe kalen a’at sira arbiru iha uma hun sira ne’e tenti ke bé dalan ne’ebé mak nalihun tanba susuk se’i halibur malu iha bé laran ne’ebé mak nalihun iha lata mamuk sira, komunidade sira atu halot rai sira dalan iha fatin diak, liu-liu kalen a’at bé, husu ba komunidade sira karik ka’er hahan sira no bebe sira iha tempu udan”, nia hatutan
Iha fatin hanesan xefe Aldeia Paulino da Costa Mendonca de Araujo nia parte ho komunidade, presiza tratamentu hodi salva a’an husi moras sira liu-liu labarik sira atu bele livre husi moras
“Hau nu’udar autoridade lokal presiz duni tratamentu ida hanesan ne’e tenki iha duni tanba iha ne’e ita hare’e de’it agora se’i mosu mai entaun presiza duni ai-moruk ne’ebe mak atu bele mai fo ba komunidade sira atu bela salva problema sira, liu-liu moras ba labarik sira”, dehan xefe alfeia ne’eNune’e nia husu komunidade presiza hamos be dalan no bé nalihun sira atu labele halibur sukuk hodi hadaet moras
“Mensajen husi autoridade lokal liu liu ba iha komunidade ne’ebe mak besik ba iha estrada ka liu-liu ba sira ne’ebe mak besik liu iha valeta ko’ak, presiza ita rasik mak tenki hadia valeta ko’ak, dalan sira, atu nune’e labele fo impaktu ba susuk bele halibur iha fatina ne’ebe atu bele mai infrenta fali ita nia moras“, nia hakotu
STJ : Elezita/Marciana/Joanina
Editor : Lian Orluli
