Lian Orluli-Apoiu ida ne’e hanesan inisiativa ida neebe tulun direta husi Prezidente RDTL ba faluk no kbiit laek sira iha Munisipiu Ainaro ne’ebe kompostu husi Suku Mau-Ulo, Mau-Nuno, Ainaro, inklui Suku Cassa Postu Administrativu Hato-Udo Munisipiu Ainaro
Tanba nee Inan Faluk Filomena Dos Reis agradese ba tulun hirak neebe oferese husi Prezidente Republika tanba laos vizita deit bee tiris Qui-lelo maibe bele fahe mos aihan
“Ami agradese ba Prezidente Republika bele mai vizita tiris Qui-lelo no ami sente kontente Prezidente haree rasik ami sira ne’ebe kbi’it la too no faluk Prezidente fahe sasan mai ami sira kbiit laesk” dehan Filomena.
Xefe suku Mau-Ulu Luis Valadares Chulansso Orgullu tebes ho prezensa Prezidente Republika iha bee tiris Qui-lelo tanba hanesan parte ida hodi promove fatin turizmu Qui-lelo no liu husi vizita nee bele fo mos apoiu kbiik laek sira neebe identifika ona husi lideransa komunitaria sira
“ Apoiu komunitaria ba kbi’it laek husi suku Mau-ulu Vuneravel hamutuk 60 ne’ebe identifika husi Xefe Aldeia, Hanesan suku komunitaria rerprezenta suku Mau-Ulu orgulhu tamba Prezidente bele mai vizita tiris Qui-lelo hodi promove ita nia fatin turismu ida ne’e, Durante ne’e ita hanoin katak fatin ne’e la serve ou la vale, Xefe suku ne’e espransa ba prezenja Prezidente nian ba future bele Dezenvolve Tiris qui-lelo ne’e sai fatin turismu ne’ebe diak iha Munisípiu Ainaro” dehan xefe suku nee.
Tanba nee xefe suku nee espera, ba futuru tiris qui-lelo sei bele sai Turizmu neebe diak liu tan
“Hanesan xefe suku iha espransa katak prezensa prezidente nian ne’e atu bele Dezenvolve diak liu tan, Agora dadaun ita hare seidauk diak no foin loron hira deit ita hare diak uituan ona iha presija prezidente nian ba oin ne’e bele halo turismu Qui-lelo diak liu tan iha Munisípiu Ainaro” nia hatutan.
Administrador postu Ainaro villa Jerry manuel Magno hateten, Vizita Prezidente nian iha Turizmu Qui-lelo no halo mos asaun kridade haree komunidade sira ne’ebe kbi’it laek, asaun karitativa ba Vuneravel sira
“Sasan ne’e fahe ba Vuneravel sira Inisiativa husi Prezidente da republika ho nia asaun karidade hare liu ba komunidade ne’ebe kbi’it laek, Ne’e mak Vizita prezidente mai iha Turizmu Qui-lelo no halo mos asaun karidade ne’e , Ita iha suku 7 maibe suku 3 distansia dok la hatama iha lista tamba ita atu mobaliza vuneravel sira husi dok ne’e mai ita sei presija transporte tamba ne’e ita rekolha suku 4 suku Ainaro, Cassa foti ida besik liu Osumau, Mau-Nunu Aldeia 3, Mau-Ulu aldeia 5”.
Aihan sira neebe apoia mak hanesan foos mina manu-tolun inklui manta ba Vulneravel hamutuk 172 neebe kompostu husi suku Mau-Nuno 60, Mau-Ulo 32, Ainaro vila 30, inklui Suku Cassa 50
Jornalista: renhy
Editor: Lían Orluli
