Lian Orluli- Prezidente Autoridade Ainaro Manuela Georgina Carmo Bucar Corte-real hateten, vizita sua santidade atu fo bensaun no grasa, tanba ne’e
sarani sira ne’ebé rejistu ona, iha konsiensia atu partisipa hotu iha misa Tasi-tolu no husu atu labele fiar rumoris
“Husu ba komunidade sira la bele fiar lia anin iha liur katak sei akontese funu, labele fiar lia isu sira ne’e, hau husu ita hotu nia konsiensia no fiar ba katak amu papa mai ne’e atu fo bensaun grasa no tulun, ba sarani ne’ebe rejistu ona atu partisipa iha Tasi-Tolu Dili”, Dehan PAM Ainaro Manuela Georgina Carmo Bucar Corte-real iha reuniaun ikus (04/09/2024 )
Fatin hanesan Komandu PNTL Ainaro Luís da Silva nia parte haten PNTL sei garante seguransa durante viajen peregrinu sira durante vizita sua santidade iha Díli
“Ita sei tau seguransa masimu ba viajen peregrinu sira nian, orienta ona seguransa ba ekipa avansadu sira ne’ebe maka iha Dili”, dehan Komandante Komandu PNTL Ainaro Luis da Silva
Enkuantu Total peregrinus husi Ainaro hamutuk 8619 kompostu husi Maubisse 4000, Hato-Builico 2295, Hato-Udo 547, husi númeru ne’e 8619 mak sei partisipa iha sua santidade nia vizita iha Dili 9-11 setembru 2024
Jornalista: Irene Tael
Editor : Lian Orluli
