Lian Orluli –– Prezidente Konsellu Uniaun Nasionál ba Eskuterus, UNE-TL, Atual Prezidente Autoridade Munisipiua Ainaro Manuela Georgina Carmo Bucar Corte-Real dehan sei halo mudansa hodi benefisia joven sira
Prezidente UNE-TL, hato’o lia hirak ne’e hafoin hetan pose husi komisária Nasionál União Eskuteriu Timor-Leste (UNE-TL) no Reprezentante Prezidente Eskuteru Nasionál, nudar superior ba uniaun eskuterus iha Ainaro
Tuir nia, observasaun durante ne’e atividade balu laiha benefisiu ba joven sira tanba ne’e nudar prezidente ba UNE-TL sei halo mudansa diak ba joven sira ho atividade ne’ebe pozetivu
‘’Agradeses ba Komisária internasionál ho uniaun nasionál Eskuteiru ohin tau tan lensu ida mai ha’u, no mos liu husi prezensa UNE-TL nian ita bele halo planu ida di’ak nune’e mos bele halo mudansa ba atividade sira ho pozitivu, tanba agora dadaun ita hare’e mudansa barak liu ba iha atividade negativu, liu-liu ba juventude sira fokus liu ba iha telemovel, la prekupa ho ema ne’ebe mak fo sira nia hanoin diak ho atividade sira ne’e bele fo benefisiu ba ema hotu hodi bele hola parte ho responsabilidade ’’, Dehan Prezidente UNE-TL atual Autoridade Munisípio Ainaro.
Komisaria Internasional, Filomena Reis, ne’ebe reprezenta eskuteirus husi nasional Apresia ho prezidente Autoridade nia prezensa tanba bele asumi mos knaar ida hanesan Prezidente Conseillo UNE-TL iha Munisipiu Ainaro hodi serví
“Eskuteru mai atu servi, tanba ne’e agradese ba parezidente autoridade munisípiu Ainaro, sai hanesan prezidente konsellu UNE-TL iha munisípiu Ainaro”, dehan reprezentante Prezidente Eskuteru Nasionál ne’e hafoin fo pose ba Prezidente másimu Ainaro Nuudar Prezidente UNE-TL iha Ainaro.
Partisipante ba atividade ne’e mak kargu dirijente sira hanesa xefi departamentu Edukasaun Munisípiu Ainaro, Antonio de Araújo, Plan Internasional Valentine S.P.M, Diretór APC Munisípiu Ainaro Moises Mota, Diretora MAPPF Munisípiu Ainaro Aguida Judit Mendonça, inklui membru Escuteiro balu husi munisípiu Aileu, Same, Suai no mos Ainaro, enkuantu atividade ne’e abertura direta husi Presidente Autoridade Munisípio Ainaro
Jornalista: Sara Lewis
Editor : Lian Orluli
