Lian Orluli— Prezidente Konsellu Veteranu Munisipiu Ainaro Kongratula Dewan Solidaritas Mahasiswa Timor-Timur (DSMTT) hafoin atribui sertifikadu Ordem da luta ne’ebe asinadu husi Komandante em Xefe Falintil Kayrala Xanana Gusmão Atual Primeiru Ministru Timor-Leste
Sertifikadu ne’ebe atribui ba Dewan Solidaritas Mahasiswa Timor-Timur ne’e hodi valoriza kontribuisaun luta ba Timor-Leste nia Independensia iha altura ne’eba, tanba ne’e Prezidenti konsellu Veteranus Munisipiu Ainaro promete sei hato’o ba Conselho Combatente Libertasaun Nasional hodi bele hetan mos direitu ruma
“ Hau hanesan Prezidente Veteranus Munisípiu Ainaro hato’o ha’u nia parabens ba Dewan Solidaritas Mahasiswa Timur-Timur (DSMTT) no mós sei hato’o ba iha CCLN karik iha enkontru ho CCLN ho Ministro sira ami sei ko’alia konabá ita boot sira nia direitu, tanba ita bo’ot sira mós halo kontribuisaun luta ba rai ida ne’e”. Prezidente Konselho Veteranus Munisípio Ainaro Júlio da Conceição “Loromesak” hateten iha salaun Munisípiu Ainaro kuarta ne’e 30/08/2023
Fatin hanesan Prezidente komisaun organizadora dewan mini Ainaro Felismeno de Jesus nia parte Komenta, naran dewan mahasiswa timor-timur husi munisípiu ainaro ne’ebé rekomenda ba iha governu atus ida resin maibé aprovasaun husi governu iha na’in ualu nulu resin rua hodi hetan sertifikadu ordem komandante em xefe falintil nian
“ Tuir rekomendasaun naran husi Munisipiu Ainaro DSMTT hamutuk atus ida resin ida (101) maibé to’o iha nasional Verifikasaun husi Govetrno hetan aprovasaun hamutuk ualunulu rsin rua (82) hodi hetan sertifikadu ordem komandante em Xefe Falintil, maibé balun sei para hela iha Gabinete Maun bo’ot kay Rala Xanana Gusmão nia Fatin”. Haktuir Prezidente komisaun organizadora dewan mini Ainaro Felismeno de Jesus
Fatin hanesam Sekretariu Jerál Dewan Solidaritas Mahasiswa Timor-Timur Ainaro Timor-Leste Valente Ramos Bianco nia parte agradese ba estadu Timor-Leste liu-liu Komandante Em Xefe Falintil be’ebé Valoriza ona DSMTT liu husi Sertifikadu Ordem da Luta dodi Atribui ba Dewan Mahasiswa Timor-Timur
Hanesan rekoiñesimentu ba luta Timor-Leste Independensia
“ Ha’u Agradese bo’ot ba estadu RDTL , tanba bele rekoiñese no valoriza alumi Dewan Solidaritas Timur-Timur ,nia luta ba ukun-rasik a’an ida ne’e , ha’u agradese ba Maun bo’ot kay Rala Xanana Gusmão tanba iha rekoiñesementu hodi asina sertifikadu hodi valoriza Dewan Solidaritas Mahasiswa Timur-Timur ”. Haktuir Sekretariu Jerál Dewan Solidaritas Mahasiswa Timor-Timur Ainaro Timor-Leste Valente Ramos Bianco
Tuir dadus ne’ebe parte kompetente munisipiu Ainaro submete ba iha nasional hamutuk atus ida liu maibe tuir verifikasaun dadus aprova deit ualu-nulu resin rua mak hetan sertifikadu Ordem Komandu Faliltil Kay Rala Xanana Gusmão
Enkuantu Seremonia Atribuisaun Sertifikadu ne’e Hala’o Iha Salaun enkontru Konselhu Veteranus Munisipiu Ainaro no patisipa husi Comando PNTL Munisípio Ainaro Reprejentante Administrador Munisípio Ainaro Prezidente Veteranus Munisípio Ainaro inklui Dewan Solidaritas mahasiswa Timur-Timur Mini Ainaro
Jornalista : Nina/Sarah
Editor : Lian Orluli
