Lian Orluli— Programa Nasionál Dezenvolvimentu Suku (PNDS),tinan 2025 ba Iha Suku 21 ho totál Orsamentu $ 629,224.00 sei inplementa projetu iha suku ida programa ida.
Direitur PNDS Munisípiu Ainaro João Paulo De B.C .e C . Araújo hateten sei halo sosialijasaun ba kontraktores no fornesedor sira kona ba inplementasaun projetu ba suku 21 iha munisipiu Ainaro no hahu ho lista Aprovizonamentu
“Objetivu husi sosializasaun ne’e atu fó oportunidade ba negosiu no kantratores sira liu-liu ba fornesedor ne’ebé sei fó apoiu ba inplementasaun projetu ba Suku 21 iha Munisípiu Ainaro”, dehan Diretur João Paulo.(4/06/2025)
Programa ne’ebé sei inplementa maka, programa Agrikultura no Peskas iha rua (2) konstruksaun Mini merkadu no kolam ikan (sigla indonesia), konstruksaun Estrada rural inklui ho valeta iha sanulu resin ualu (18), no konstruksaun be’e mos ida (1)
“ Husi Programa ne’e kada Suku ida Programa ida ho totál Programa hamutuk 21. Iha Postu Administrativu Ainaro iha programa tolu(3) maka programa Agrikultura iha rua (2) no programa Konstruksaun estrada rural iha lima (5). Agrikultura peskas ho orsamentu $29,130.74, ba konstruksaun mini merkado, no konstruksaun kolam ikan ida(1) ()sigla indonesia) ho orsamentu $26,217.67, inklui konstruksaun estrada rural, ho valeta iha lima (5) ho total orsamentu $128,175.26. Postu Admnistrativu Maubisse iha programa sia (9),maka konstruksaun estrada rural ho valeta, ho orsamentu $285,481.26. Postu administrativu Hato-buliko, programa iha tolu (3), maka konstruksaun estrada rural no valeta ho orsamentu $90,305.29. Postu administrativu Hato-udo iha rua (2),maka programa konstruksuan estrada rural no valeta ho orsamentu $34,956.89, inklui konstruksaun be’e mos ho total orsamentu $34,956.89”. Esplika Direktor PNDS Ainaro João Paulo iha nia knar fatin
Enkuantu Iha Sosializasaun ne’e partesipa husi Prezidente Autoridade Munisipiu Ainaro Manuela Georgina Carmo Bucar Corte-Real, Aumesmu tempu abertura ba atividade refere akompña ho Diretur PNDS Ainaro João Paulo De B.C .e C . Araújo, partisipa masimu husi APA Postu haat maka APA Ainaro, Jerry Manuel Magno, APA Maubisse Joaquin Salsinha, APA Hato-Udo Cegres Jelino Paulo, inklui Lideransa komunitariu suku 21 iha Munisípiu Ainaro no emprejáriu Fornesedor sira.
Jornalista : Pedrolina Da Costa.
Editor : Lian Orluli
