Lian Orluli— Diretór PNDS Rogerio de Jesus Martins hateten Projetu estrada neebe implenta husi PNDS Siklu da-6 iha Aldeia Leotelo suku Mauchiga ho nia distansia 978M sei uza dolar amerikanu rihun haat nulu resin tanba inklui ho drainajen (Baleta) 134
Nunee nia dehan projetu ne’e ho durasaun fulan haat maibe depende ba partisipasaun husi komunidade ativu sei finaliza ho lalais
” Ita Lansamentu ne’e ba Posto Administrativo ha’at, no Suku Mauchiga Mak ikus , no Projeito PNDS ne’e Agora Ita Implementa ho Siklu 6 ba Ano Fiskal 2024, Projeito Implementa ne’e durasaun Fulan 4, Maibe Ita hare ba Komunidade sira nia Partisipasaun no kolaborasaun diak etaun Projetu nee bele remata lais liu”. Dehan Diretor PNDS Rogerio de Jesus Martins ,Depois de Lansamento estrada iha Leotelo, Kinta ne’e (29/02/2024)
Secretario Estado Dezenvolvimento Local Mateus dos Santos Tallo iha lansamentu nee hateten SEDL ho objetivu Ida deit hodi halo Dezenvolvemento ba Povu ne’ebe mak Hela iha area rural, tanba ne’e nia husu ba Lideransa sira atu halo kontrolu ba Implementasaun projeito refere
” Objectivo Secretario Estado Dezenvolvimento Local nian hakarak lori Dezenvolvimento ba area rural ,tanba povu Timor-Leste 71% Hela iha area rural ho nune’e Mak Programa ne’e tenki Implementa iha area rural, tanba ne’e mak ohin Ita halo Lansamento presija Xefe do Suku, no Xefe aldeia Sira Diretor PNDS haruka tekniku Sira atu halo kontrolo ba Projetunee tanba tuir durasaun Fulan 4, tanba ne’e hodi aselera lalais, no estrada importante tebes atu nune’e bele lori Ita bot Sira Nia produtu ba Merkadu“, nia hakotu
Entertanto Estrada ne’e Lansa, partisipa husi Autoridade Munisipiu no Aldeia, parte seguransa inklui komunidade sira
Jornalista : Sarah
Editor : Lian Orluli
