Lian Orluli— Konstrusaun edifisiu Ministeriu Solidariedade Sosial no Inkluzaun (MSSI) Munisipiu Ainaro konstroi husi Kompainia Atramol Unipessoal Limitada iha tinan 2021 ho durasaun fulan ne’en termina projetu maibe liu ona tinan rua resin foin atinje 46%
Ligadu ho kestaun ne’e Vice Ministra Solidáridae Sociál no Inkluzaun Cèu Brites ofisialmente sesta ne’e vizita Ainaro hodi observa direita konstrusaun edifisiu refere maibe konstrusaun nee la tuir ona kalendariu projetu nian, ho nune’e governante ne’e husu Kompañia Atramol Unipessoal Limitada atu aselera lalais projeito refere tanba liu ona data determinasaun
“Hakarak kompaiña kontrator projeitu refere tenki aselera dunik, remata antes tinan ida ne’e, tanba projetu ida ne’e hala’o durante tinan rua ona, tuir lolos ami simu ona projetu ida ne’e ho rejultadu remata ona maibé ho kestaun ba tempu klima hodi difikulta ekipamentus ba konstrusaun atraja ami sei reniaun hodi haré ba problema ida ne’e, atu nune’e periodiu ne’e remata tama ba tinan 2024’’. Governate ne’e hateten iha Vizita Ofisial ne’e hafoin haré direita Edifisiu no Armagen MSSI Ainaro ne’ebe dadaun ne’e lao tarde
Hatan ba kestaun ne’e Engeneiru komapaiñia Atramol Unipessoal Limitada Noe Fátima Gonçalves klarifika Projeitu konstrusaun ba edifisiu refere atraja tanba impaktu husi klima udan hodi afeta ba konstrusaun lao tarde maibe dadaun ne’e atinje ona pursentu 46% no promete sei aselera obra ne’e retamata iha tinan ne’e (2023)
“Projeito ne’e foin atinji 46% tanba klimátika hodi difikulta tebes, material konstrusaun nian to’o iha fatin bele to’o loron ida ou rua, no ami mos esforsu a’an hodi aselera lalais Obra ne’e, tinan ida ne’e bele remata ona konstrusaun ne’e”. Noe Promete
Total orsamentu ba Projetu konstrusaun ne’e ho total dolar amerikanu rihun atus limanulu resin gastu ba konstrusaun edifisiu armajen inklui jardim maibe to’o agora foin atinje pursentu 46%.
Jornalista : STJ
Editor : Lian Orluli