Lian Orluli — Segunda (07/07/2025), Projetu lima hosi Programa Dejemvolvimentu integradu Munisipál(PDIM) 2025, iha tempu badak sei tama ba faze implementasaun.
Husi empreza 20 ne’ebé partisipa iha prosesu konkursu ne’e, iha de’it empreza lima mak deklara susesu no hetan autorizasaun atu implementa projetu sira ne’ebé planeadu.
Tuir anúnsiu ofisiál kona-ba manan na’in ne’ebé konkursu, Kompañia lima ne’ebé manan ho susesu iha projetu PDIM 2025 mak hanesan, Kompañia Maccu Unipessoal Lda, Unjel Unipessoal Company Lda, Unipes Lesugal Company Lda, Kompañia Rodrigues Lesougal Unipessoal Lda, Compaña Bendito F. Salon Unipessoal Lda,.Projetu sira ne’ebé sei implementa inklui infraestrutura bázika, hametin instalasaun públika sira, iha Munisipiu Ainaro.
Prezidente Autoridade Munisípio Ainaro, Manuela Georgina Carmo Bucar Corte-Real husu ba tekniku PDIM, atu aselera Kontratu ho Kompañia sira, hahu ona obra, nune’e la bele prejudika ba Kapitál Dezenvolvimento Munisípal.
“Kona-ba Projetu 5 ne’ebe mak tarde, ne’e la’os sala Autoridade nian, maibe tamba Koordenasaun PDIM Município ho Nasional iha dezentendimento ba regras ne’e mak ita tarde. Maibe ita buka tuir no ka’er baze legal hodi fortifika ita nia razaun sira, hodi fo para ser Jurídico nó konsidera ita nia prosesu. ohin ita fo apresiasaun no Votus. núne’e Aban Ita bele taka sai ba publiku”. PAM Ainaro husu.
Xefi Departamentu akompañamentu Kontratu Públiko Jonibel Batista Malik hateten, Kompañia hamotuk 20 mak partisipa iha Tenderizasaun ba Projeitu 5, husi PDIM tinan 2025 iha Munisipio Ainaro, Maibe Kompaña 5 mak sai manan na’in, simu rejultadu verifikasaun husi Ministeriu Administrasaun Estatal (MAE).
“Iha loron 30 fulan Jullu tinan 2025, husi parte Autoridade Munisipio Ainaro, simu rezultado Verifikasaun husi Ministerio Administrasaun Estatal (MAE), ohin ita lori mai iha Konselho Koordenasaun Munispal (CCM), hodi fo apresiasaun no vutus ba resultadu ne’ebé maka verifika husi nasionál, ohin ita halo ona aprovasaun. No iha aban ka bainrua ita bele anunsiu ona resultado ba públiku”. xefe Departamento Akompanhamentu Konkursu Público Hateten, iha enkontru Conselho Coordenasaun Munispal, Segunda ne’e (07/07/2025).
Enkuantu projetu lima (5), ne’e mak hanesan Konstrusaun Centru Saúde Maulau, Rehabilitasaun Estrada Hatusera-Quei, Rehabilitasaun Irigasaun Suku Mau-Nuno, Konstrusaun Postu Saude Manelobas, Konstrusaun Uma ba Doutor iha Aldeia Bazar, Suku Suro-Craik.
Jornalista: Sarah Lewis
Editór : Clementina Fátima
