Lian Orluli—Maubisse (12/07/2025)– Ekipa tekniku PNDS, Munisípiu Ainaro observa projetu reablitasaun estrada rurál iha Suku Mau-Lau, Aldeia Ai-Hossan Postu Administrativu Maubisse, Atinji 82% .
Jordão da Costa Menezes Lopes, nudar tekniku Enjeneiru Postu Maubisse, hatete, tuir padraun Programa Nasionál Dezenvolvimento Suku, reablitasaun estrada rurál ho nia distansia kilo 4, nia luan ho medida metru ne’en(6) inklui valeta, atinji ona 82%.
” Reabilitasaun estrada rurál suku Mau-Lau, Postu Administrativu Maubisse, agora dadun, atinji ona 82% . Maibé ekipa halo manutensaun nota katak valeta loke, sei klot hela, ho nune’e iha desponivel sei hadia fali valeta ne’e”. dehan tekniku Jordão
Iha prosesu reabilitasaun ba estrada rural, komunidade suku Mau-Lau fo kuntribuisaun masimu, iha prosesu servisu, nune’e bele tulun sira asesu ba estrada diak liu-liu komunidade sira ne’ebé iha area rural.
Abitante Francisco Barreto, sente kontenti ho programa PNDS ne’ebe implementa serbisu to baze, hodi fasilita movimentu transporte públiku no privadu nune’e komunidade bele asesu ba Fasilidade Saúde no Merkadu, liu husi estrda diak.
“ Ami konteti tebes ho Programa PNDS ne’e ajuda tebes ami loke estrada iha aldei ne’e, nune’e bele ami bele lori produto lokal ba faan iha merkadu liu husi estrada diak,inklui mos ba centru saúde, ho transporte privadu ou públiku ho lalais”, dehan Abitante Fransico
Xhefe Aldeia Ai-hossan Luis Ribeiro, Hatutan agadese ba governu liu husi programa Nasionál Dezenvolvimentu Suku (PNDS), bele loke ona estrada ba Iha Suku to Aldeia Ai-hossan, nune’e bele hakman komunidade nia susar no terus ne’ebé maka durante ne’e hasoru iha tinan naruk nia laran.
“Durante ne’e ami sempre husu ba ita nia nai ulun sira atu tau matan hela ba iha ami nia estrada, agora bele diak ona, maibe’e ba oin bele hadia di’ak liu fali ida, ne’e atu nune’e uja ba tempu naruk to jerasaun foun sira tuir mai”. Xhefe suku Ribeiro rekomenda
Entertantu hala’o vizita ba iha programa PNDS Konstrusaun estrada Distansia dok kilo 4, iha Suku Maulau Aldeia Aihosan, ne’e ekipa tekniku hodi avalia progresu servisu iha terenu.
Jornalista : Pedrolina Da Costa.
Editór : Clementina Fátima
