Revolusaun Populár Akontese Iha Momentu Ne’ebe, Akontese Levantamentu 82 Mau-chiga, Komunidade Komemora Ba Dala 43 

Lian Orluli – 20 de agostu de 2025, komunidade vitíma, levantamentu 82 komemora aniversário levantamentu populár Mau-chiga nian ba dala 43, tragedia 20 de agostu 1982- 2025, hanoin hikas revolusaun populár ankontese iha momentu ne’ebé, akontese levantementu 82 Mau-chiga.

Guilerme Rodrieges hateten, komunidade vitíma levantamentu 82 realiza aniversariu ba dala 43, hamutuk iha fatin Jakarta-II ‎ne’ebe hanaran, revolsaun popular ne’ebe akontese, iha momentu ne’ebe akontese levantementu 82 Mau-chiga, memoria sei metin iha fuan 

“ Hotu-hotu hatene katak ohin halo ona 43 anos, ne’ebe hanesan joven kontinuador ba iha luta ida ne’e hatutan inan aman nia luta ba iha durante ne,e tinan 24 hodi hetan indepedensia nudar joven ami nafatin enkoraza malu para luta ne,e labele haluha iha tempu badak maibe, ita nafatin halo atividade hodi hanoin hikas ba matibian sira ne,ebe tinan 24 soe hela  sira nia isin fakar sira nia ran hodi sosa hela indepedensia ida ne’e”,Dehan Guilerme nudar Komunidade Suku Mau-chiga

Gulerme dehan, akontementu iha momentu ne’eba, trajedia boot ida ba komunidade Mau-chiga, triste tebes Autoridade la marka prezensa iha atividade ne’e, maiske ukun aan tinan  rua nulu resin haat ona sedauk fo valor ba istória ne’e.

” Tristi ho autoridade munisipiu ainaru ida la maraka prezensa,‎durante ita ukun an tinan 24 ona maibe nunka hanoin saida mak akontese iha ita nia munisipiu, Postu ka suco ida ne,e tamba ita hotu-hotu hatene katak, b‎uat ida atu luta ba indepennensia ne’e la fasil, ema la oferese iha bandeza, maibe ema sakrefika ema nia vida, depois hetan ukun aan, maibe ita nia governu lokál nunka hanoin para oinsa  fo valór ba  ita nia istória, tanba nasaun ne’e nia luta, ninia abut mak istória ,se istória la iha nia abut la iha, ukun aan kuandu la iha istoria abut laiha.” Dehan Abitante Gulerme

‎‎Iha ambitu ne’e Clara Pinto Fernandes sasin moris akontese levantamentu 82 haktuir, hetan kaptursaun no kastigu iha Dare semana rua, hafoin lori ba kastigu tan iha Ainaro hodi halo enkereitu rejlta nia kaben soe iha Jakarta- II

‎‎” Ema kaer hau nia kaben mane depois ema inkertu ami nian rua ema hasi w nia kaben mane ba oho hau mos la hatene hau nia prima mak fo hatene hau katak hau nia liman inan ema tesi tia ona.Siknifika hau nia kaben mane ema soe ona ba jakarta-ll, ida ne,e hau rona husi hau nia prima” Haktuir Clara

Nia akresenta, governu lokál, presiza tau matan ba komunidade vitíma sira, família no oan kiak barak sofre tanba rai ida ne’e hakarak ukun aan

“Ami presiza governu tau matan, ba familia vitima sira,no oan kiak, sira sofre tanba rai ida ne’e” hatutan vitíma Clara Pinto

‎Antes komunidade lori ai-fuan vizita Jakarta-ll, realiza sermonia iiha suku Mauchiga, komemora loron aniversário levantamentu mauchiga ba dala 43 hafoin vizita ba fatin Jakarta-II hodi tau ai fuan. iha eventu ne’e Partisipa maximu husi veteranu Mauchiga, no komunidade.

‎‎‎Jornalista: Odelia/ Lucia

Editor : Clementina Fátima