Ainaro Lian Orluli 03-12-2022- Organizasaun Rais Hadomi Timor Oan (RHTO ) Munisípio Ainaro, registu ema ho defisensia hamotuk 715 , komposto husi Posto Administrátivo Ha’at.
Ba Jornalista Orluli News Ofisiál RHTO Inacio Paicheco Martins Dias , háteten dúrante ne’e Organizásaun RHTO registu ema ho difisénsia hamótuk 715, maibé komposto husi Posto Administrátivo Ainaro, Hato-udo, Maubisse, Hato-builico, Munisípio Ainaro
“Ema ho defisiensia ne’ebé rejistu ho tipo mak hanesan difisénsia matan , difisénsia tilun, difisensia ain,difisénsia liman , no seluk tan, ho ida ne’e mak ami husi organizásaun RHTO registu ema ho difisénsia komposto husi posto administrátivo Ainaro, Hato-udo, Maubisse no Hato-builico hamotuk 715, maibé registu seidauk hotu. 715 ne’e dadaus próvisoriu deit,’’ Dehan Ofisial RHTO ba Jornalista Orluli ,iha Salaun Paroquia Ainaro hafoin selebra loron Munidial ema ho defiesnsia, Sabado (03/12/22)
Inacio Paicheco haktuir tan ,iha defisensia balun hetan ona subsidu liu husi osamentu difisénsia nian liu husi Ministério Solidáridade Sociál Inkluzaun (MSSI) , Orgánizasaun no RHTO mos fó apoiu Humanitário ba defisénsia sira.
Ofisial RHTO hato’o mos lia menon ba maluk difisénsia sira katak ohin hala’o selebrásaun ba loron ema ho difisénsia, husu nafatin maluk sira ne’ebé ho difisénsia iha munisipiu Ainaro, atu labele lakon konfiansa no talentu ne’ebe mak iha, tamba nasaun atu dezenvolve presiza ema hotu nia matének badinas no talento hodi bele halo mudansa ba dezenvólvimentu iha munisípiu no Nasaun Timor-leste.
Enquantu Organizasaun RHTO ejistensia iha munisipio Ainaro tinan 5 no RHTO nia servisu foka liu ba ema ho difisensia ho nune’e mak RHTO edntifika ona ema ho defisiensia hodi regista hamotuk 715 ho tipu ne’ebé mak lahanesan, Difisensia Matan, Tilun, Liman, Ain, komposto husi Posto administrative ha’at iha Munisípio Ainaro
Jornalista : Sarah Lewis
Editor : Orluli News
