Lian Orluli – Savannah Agricultural Productivity Improvement Project (sigla Inglesh SAPIP) liu husi ofisial fundus ki’ik kuarta ne’e fahe mákina no terpal multi funsaun ba grupo produtor rua-nulu iha suku Ainaro villa postu administrativu Ainaro Villa Munisípiu Ainaro
“ SAPIP nia programa apoiu rkipamentus kompostu husi mákina dulas kafé no batar inklui terpál ba rupo agrikultura 20, bazeia ba sira nia proposta ka Pedidu, tanbá ne’e SAPIP mai distribui ekipamentus téknologia ba grupo agrikuklturo sira, maibé tarpál ne’e hanesan multi funsi, bele uza ba iha kolam ikan, habai batar, inklui mos halo Tenda’’. Ofisial Fundos Ki’ik , Humberto Moniz hateten iha sede suku Ainaro villa Kuarta ne’e (20/09/2023)
Ofisial ne’e fundamenta Grupu ne’ebé durante SAPIP apoiu dadaun ne’e fo ona rezultadu hanesan hakiak ikan nila no vanila balun koilleta ona no balun sei iha planu ba koilleta
“Durante SAPIP apoiu ba Grupo sira, iha Benefisiu mak hanesan grupo hakiak Manu-lokal husi Suku Suro-Craik, agora iha planu ba koilleta, Grupo hakiak Ikan husi suku Cassa koileta ona iha tinan kotuk, inklui mos grupu hakiak ikan nila iha area Bolmeta”. Nia fundamenta
Benefisiariu Anabela da Silva senti atividade ne’ebe SAPIP fasilita bele fó benefisiu diak ba familia no futuru oan sira nian
“Tamba liu husi sasan sira bele habelar iha ami nia futuru no mos ba oan sira“. Dehan Anabela da Silva
Iha distribuisaun ne’e Xefe suku Ainaro villa husu grupu benefisiàriu sira jere didiak ekipamentu hirak ne’ebe SAPIP distributor atu labele utiliza hanesan privadu
“Ba grupu sira utiliza hotu la bele costume ema ida mak uza ne’e la bele, hotu-hotu tenki utiliza material sira husi governu apoiu ba SAPIP distribui ona ba grupu”. dehan xefe xuku Agapito Fátima
Tanba ne’e Reprejentante Administrator posto Ainaro Villa Adriano da Cunha Freitas nia parte sei hamutuk ho autoridade Aldeia no suku kopera ho MAP atu monitoriza grupu benefisiariu sira ne’ebe SAPIP fasilita ona nu’une atividade bele lao ho diak
“Autoridade posto kopera hamutuk ho map atu monitori ba grupu sira destaka iha Aldeia primeiro hanesan husi SAPIP fasilita hanesan animal sira no mos vanila, segundu hanesan material mákina kafé, batar no terpal SAPIP kolabora diak hamutuk ho autoridade suku, Aldeia posto halo monitorin ba aktividade lao ho diak” hateten Administrador postu Ainaro Villa Adriano da Cunha Freitas
Enkuantu apoiu refere hanesan faze datolu tanba antes ne’e SAPIP fokus liu ba programa hakiak animal kuda modo Vanila ba grupu 175 iha suku sanulu resin rua iha Ainaro tinan kotuk liu ba ho total orsamentu $ 1, 400.000 dolar Amerika
ESTJ:Renhy/Leoniza/Zyta
Editor : Lian Orluli
