Lian Orluli – Orlando da Costa Kodigu ‘ABABU’ hakotu nia Perigrinasaun iha loron 15 fulan outobro 2023, Ababu moris iha Aldeia Asulau Suku Fatubessi Postu Administrativu Hatulia B Munisípiu Ermera Iha loron 22 fulan juño 1952, Saudozu Oan husi aman Georse Soares no inan Joana de Carvalho, matebian hanesan Oan Ba-dala 3, husi maun Alin nain rua, Saudozu Ababu forma familia ho Maria Sancha Cardoso iha Oan nain 10, feto 4 no Mane 6 no nain 2 fila ona ba iha Mundu seluk hela Oan nain 8
“Saudozo Apoiu iha Baze iha 1975 to’o 1979, wainhira mosu kontra golpe hasoru UDT,iha Timor-Leste, UDT desloka ba atambua NTT,iha loron 20 fulan Agostu 1975, Saudozo Ababu hetan mandatu husi komando da luta hodi halo persegisaun ba força UDT iha Aileu,tan ne’e Saudozo Ababu, hanesan soldado hodi tau matan ba komando hodi desloka ba rai fatubesse hodi asegura base da força Armada iha area refere to’o loron proklamasaun Independensia 28 de Novembro 1975, loron 7 de dezembro 1975 wainhira Invazaun Indonesia nia força Armada mai halo Invazaun ba rai doben Timor-leste ,Soldado Ababu hanesan soldadu ida no moe iha area operasaun suco fatubessi matarobu hodi lidera funu hasoru Militar Indonesia, durante halo operasaun iha Ailaran Saudozo Ababu,nia komandante setor mak Juão Sarmento kode ‘KAKUAK’,ne’ebé enkaregado husi 1975 to’o 1976,hafoin iha 1977 nomeia saudozo sai komandante Pelatão hodi eskoltu komandante sektor mino paixão 1979,enkaregado ba kamarada Filomino Paixão ne’ebé depois hetan kapturasaun hodi mai Dili/Vila Laran”
Saudozu mós hetan kapturasaun no tama prizaun Kodim Ermera husi TNI iha fulan Abril to’o Juño tinan 1980, hafoin hetan liberdade desvia ba Ainaro hodi buka ligasaun direita ho komandante da xefe Falintil Jose Alexandre Kay-rala Xanana Gusmão area refere iha 1981 to’o 1983
‘’Wainhira sira fila mai Vila laran Saudozo Ababu sei kontinua regista iha Ai-laran to’o hetan kapturasaun husi TNI ou kopasus iha fulan Abril 1980,no hetan prizaun iha kodim Ermera durante fulan rua nia laran husi fulan Abril to’o Junho 1980, depois hetan libertasaun husi kodim ermera saudozo Ababu desloka ba Ainaro hodi subar iha ne’eba hodi kontinua halo ligasaun direita ba falintil iha area ne’ebá ,konsentrasaun hikas fali ho objetivo atu buka ligasaun direita ba komandante Xefe Jose Alexandre Kay-rala Xanana Gusmão iha area refere 1981 to’o 1983,Saudozo Ababu iha tempo ne’eba, ha’u desvia husi ermera mai Ainaro,tanba hasoru presaun Militar iha Ermera ,tan ne’e Ainaro mos hetan ligasaun ba komandante Xefe Jose Alesandre Kay-Rala Xanana Gusmão liu husi Buibere ida naran Mafalda kodigu ‘Sarae’ hodi ba hasoru malu iha kablake husi enkontru ne’e ha’u simu orientasaun hodi organiza fali iha Ainaro Villla , to’o akontese asaltu Mauchiga iha Loron 20 Agosto 1991,nune’e TNI hahú hanaran Jakarta II,tanba ema barak mak mate iha ne’eba, inklui mos kazu mauchiga, wainhira TNI lansa operasaun iha Ainaro Villa atu halo kapturasaun ba Saudozo hodi desvia ba fatubessi iha 1982,tanba hare ba kamarada ernestu fernandes Alias DUDU mos hetan kapturasaun husi TNI Indonesia mai Vila laran , iha Membro Falintil iha Zona ne’eba nune’e nukleu Israel Ranlulik buka konsolida nafaytin hodi bele loke dalan ba Falintil,husi deslokasaun ba fatubessi Ermera saudozo hahú organiza fali organizasaun Nukleu Israel Ranlulik iha 1986, Saudozo Ababu lori organizasaun Nukleu Israel Ranlulik, hodi halo ligasaun ho Padre Mario Belo, iha paroquia Ermera atu bele hametin informasaun no habelar Nukleu iha Fatubessi to’o Ermera laran iha 1991, Organizasaun Nukleu kontinua habelar nia orientasaun no estratejiku iha vila hodi prepara Joven sira ba resjistensia,tanba hare ba baze de apoiu komando iha Ermera la iha ona , no povu hasoru Presaun Militar la fó dalan diak ba moris lor-loron nian’’.
Iha 1991 ,Saudozu kontinua hala’o servisu hodi organiza nafatin nukleu israel ranlulik ho konfiansa atu harí forsa Armada maibe Armas seidauk iha, tan ne’e Saudozu organiza komunidade sira atu buka oinsa hetan kilat, hodi bele hamri’ik hanesan forsa ida husi ne’e, halo kordenasaun ho padre Domingos Maubere, atu fó apoiu ba Letefoho, Saudozu nafatin organiza Masa Juventude hodi ba partisispa asaun iha loron 12 novembro 1991, hodi akontese Masakre Santa Cruz, iha momentu ne’e kedas Saudozu hetan kapturasaun husi TNI lori saudozu ba hatan iha prizaun Ermera iha fulan dezembro 1992 to’o fulan juñu 1992, Saudozo foin hetan liberdade husi kodim Ermera , maibe TNI aprosima nafatin atu kaptura saudozo hodi lori fila ba Dili, tanba ne’e saudozo rona informasaun ne’e lansung desvia husi ermera ba Ainaro, iha 1992 hodi organiza hikas Nukleu Israel ranlulik liu husi Ainaro liu ba Atsabe halo ligasaun ho kamarada Nino Conis Santana, komandante Sahe,Makikit,Saudozo kakehe ,Sunu-moris Sahe kalere buti hamnasa hodi informasaun ba sira katak ,fatin ba kamarada Nino Conis Santana ,prepara ona iha fatubessi Banrahei, iha Julio Tirilolo nia Uma tós,tuir diresaun ne’ebé Saudozo Ababu hato’o ba sira iha Ainaro
Husi diresaun ne’e ba to’o iha fatin ne’e lo’os dunik saudozo Ababu organiza joven sira hodi akompaiña Camarada Nino Conis Santana , to’o iha Area Fatubessi ,Banrahei,maibe ligasaun mós ho komandante Nunura iha Kablake , hodi fila mai Vila , hetan ligasaun ho adjuntu Tara ho nia Januario, iha Ainaro ,Mauchiga Ernaru,tuir orientasaun Xefe Estado maior ,Nino Conis Santana iha 1993 Saudozo Ababu nomeia xefe Estado Maior das Falintil Nino Conis Santan Sai hanesan Observasaun ba Fatin konsentrasaun ne’ebé deside husi Komando da luta, Saudozo nafatin organiza joven hodi servisu tuir orientasaun hodi fó apoiu ba Komando da Luta.iha 1995 saudozo servisu hodi halo ligasaun ba xefe Estado maior das Falintil Nino Conis Santana ne’eb’e mak hela iha Fatubessi Banrahei, hodi fó apoiu ba komunidade iha area ne’eba ho Organizadu liu husi Orientasaun Komando Segredu.iha 1995 Saudozo hetan kapturasaun husi SGI iha glenu hodi lori ba kastigu iha Nuskra Bhakti kolmera to’o iha fulan agosto 1997, hetan liberdade husi SGI,no husi ne’e Saudozo Ababu, desloka ba Ainaro hodi Organiza kontinua Nukleu Israel Ranlulik atu bele fó Apoiu nafatin ba Falintil iha Area Ainaro.
Husi Orientasaun ne’e Saudozo hatutan Nukleo Israel Ranlulik,” presiza har’i unidade para ita bele susesu ba prosesu iha Futuro.Hotu-Hotu hametin Sentimento Patriotismu, la’o ho brani no konfiansa nafatin Presiza esforsuho ita nia mentalidade, la hare ba riku-soin ho Osan, atu nune’e bele alkansa ita nia Vitoria iha Futuro.Wainhira Saudozo sei ornganiza iha Ainaro, halo ligasaun ba adjunto Tara iha mós ligasaun seluk ne’ebé hetan konfiansa nafatin iha 1998,hodi hetan nomeasaun husi komandante Ular , hodi fila ba organuiza liu husi Gia da Marsa asinatura atu bele reorganiza fali registensia iha ai-laran, hamotuk ho kamarada Faustino kodigu ‘Illas’ hodi deskonsentra grupo Milisia Pro-Integrasaun iha Area Ainaro laran, iha 1999, wainhira tama iha faze de Sosializasaun i rekonsiliasaun loron 5 Maio 1999 Saudozo hamotuk ho kamarada Faustino’Ilas’ kontinua Organiza komunidade Ainaro hodi prepara ba Implementasaun Votasaun ho akordu loron 30 fulan Agosto 1999, husi ita nia esforsu mak ikus alkansa ita nia Vitoria iha referendo
Tanba ne’e oan mane husi Saudozu Ababu, Crizodio da Costa husu Ministerio Antigos Conbatetentes da libertasaun Nasional MACLN, atu trata Veteranus hotu-hotu hanesan, labele halo deskriminasaun, alende ne’e nia konta nia aman hakotu iis tanba akontese kabun bubu Durante Loron tolu ikus Saudozu husik iis ho derepenti
husik nia nia i’is iha loron 15 fulan Outobro tinan 2023 horas 02 ; 00 loraik, maibé nia lahetan moras, derepenti de’it senti kabun bubu, lori ba iha Sentru Saude Ainaro, labele entaun transferesia ba iha Hospital referal la to iha ne’eba iha dalan klaran Saudozo husi i’is,
‘’Husu ba Ministerio Antigos Conbatetentes da Libertsaun Nasional atu trata ema hotu hanesan , tanba ema hotu luta ba ukun rasik a’an, maibe uluk luta ukun aan ne hetan osan, maske nia hetan 8 a 14 ,maibe iha konstituisaun RDTL, artigo 11 ko’alia konaba sira nia direito, tanba Saudozo hateten katak ema seluk iha ha’u mos tenki iha, maibe familia lamenta tebes laos Ezizi, husu ba Ministerio relevante sira labele halo deskriminasaun liu-liu ba komisaun Ominagem atu indentifika ema Veteranos sira tenki tun ba iha area rurais sira, tanba iha Veteranus balun seidauk hetan sira nia direito’’. Oan husi Saudozo Abadu, Crizodio da Costa hateten hafoin halot saudozo nia isin iha Area Raebuti-udo, Suku Manutaçi,terça ne’e (17/10/2023)
Alende ne’e, reprezentante Konseilho Veteranos Munisípio Ainaro,Sebastião Costa Pereira Kakatua hafoin rona tia Biografia saudozo Ababu nian, senti lakon ema diak ida ne’ebé mak fo nia kontribuisaun ba luta ukun rasik
“Hafoin rona Biografia saudozo Ababu, halo nia perigrinasaun ba luta ba rai ida ne’e bo’ot teb-tebes, durante tinan naruk nia laran, saudozo Abadu luta makas , hodi hetan timor-hetan ukun rasik ,tanba ne’e, konseilho veteranus munisípio Ainaro la dukur , sei nafatin fó atendemento ba inan faluk no oan kiak sira hodi hetan saudozo nia direito ‘’. Reprezentante Konseilho Veteranos Munisípio Ainaro,Sebastião Costa Pereira Kakatua hateten molok halot Saudozo nia isin iha Raebuti-udo Manutaçi
Enkuantu Familia halot ona Saudozo Orlando da Costa ho kodigu ABABU iha resintu Saudozo nian, tanba Osoario Ainaro sei faze de konstrusaun
Jornalista : Sarah
Editor : Lían Orluli
