Lian Orluli- Saudozu Frederico de Araujo (Hauta-Lafera) hanesan veterano dezmovilizado hakotu nia pregeriasaun iha loron 5 Marco 2024 husik hela faluk Jacinta da Silva no oan kiak nain tolu mane rua no feto ida. saudozu Haloot ikus iha jardim dos herois Metinaro, sesta 8 marco 2024.
Ba lian orluli Raimundo de Araújo haktuir Saudozu (Hauta-Lafera) durante ne’e apaña moras husi infeksaun iha konosen parte karuk tanba inflasaun bomba nian kona iha nia sorin karukhodi halo kanek infeksi to’o ohin loron hakotu nia pregerinasaun.
‘’Nia moras kleur ona tamba hetan Pankada husi inimigo sira iha momento ne’eba ema halo kapturasaun,nia hetan torturasaun kastigu, baku,iha mos kanek ne’ebé durante nia sofre iha ai laran,estelasi husi bomba ne’ e kona iha parte kabun liman karuk nian, tanba ne’e durante ne’e moras husi liur diak ona no iha laran mak infeksaun hela, durante ne’e halo tramentu tarde, hodi halo infeksi nune’e mos moras iis boot ,halo mear ran, ikus halo moras estrok parte liman karuk no ain karuk, durante fulan ida deit apa hakotu nia pereginasaun”.Haktuir Raimundo
Nia hatutan parte familia apresia tebes ba governu tanba konsidera ona sira nia aman, nune’e hodi halot fatin ikus iha simeteriu dos herois.
“ Hanesan naran ida Fredericu de Araujo ne’e familia nian, maibe’e ba naran ida aumenta tan apalidu (Hauta-lafera) nasauan nian” nia hatutan
Nune’e hanesan beleun diak Filomeno Da silva (Hakat sai) Fo sasain, sauduzo ema ida ne’ebe bainhira funu hasoru inimigu la hakiduk, to remata
“Hauta-lafera nia ema ida laos hirus ten, maibe’e nia esperto wainhira hasoru inimig sira, durante iha funu laran nia la husik tersu ne’ebé nia uja hela to funu remata, maiske hetan kastigu, baku, tersu ne’e maka numeru um ba nia” Filomeno da Silva fo sasin
Biografia Saudozu Frederico de Araújo (Hauta-Lafera)
Fernando de Araujo (Hauta-Lafera) Moris iha nuno-mogue, 6 junho 1942 husi aman Colimau, João De Araújo Inan Cai-Uru, Joana De Araújo, saudozu Frederico de Araújo “Hauta-Lafera” hahu nia escola iha tempo kolonilismo Portugues iha tinan 1962, iha Boetua Dare Suco Mulo posto Administrativo Hato-Builico Munisipio Ainaro. hahu aprende alfabetu abc no iha 1963 saudozu kontinua fila fali escola iha Cartila iha Hato-builico vila no iha 1964, kontinua nia escola iha interna militar portugues iha Maubise vila. remata nia estudo iha quarta klase.
Iha 1969 to`o 1973 saudozu Frederico de Araujo tama forsa militar Portugues iha Atsabe no kontinua ba to iha Bobanaro, iha 1974 saudozu (Hauta-Lafera) involve a’an iha vida politika, iha fali 1975 saudozu Frederico De Araujo (Hauta Lafera), assume kargo hanesan primeiro vice secretario zona posto, iha dia 7 de dezembro de 1975 Indonesia invade Timor-Leste saudozu nafatin mantein iha Hato-builico hodi inspira povu nafatin halo resistensia hasoru invazaun Indonesia.
Iha dia 6 de junho de 1976 forsa indonesia to iha Hato-Builico vila saudozu Frederico De Araujo (Hauta Lafera) nafatin molibiliza povu no forsa hodi halo resistensia hasoru forsa indonesia no ikus mai lori povu no forsa sira evakua ba foho Cablake. depois de to iha Kablake Saudozu kontinua mantein no orienta povu hodi halo resistensia liu husi aktividade sira mak hanesan koperativa organizasaun sira no halo tos hodi bele prepara aihan ne`ebe naton hodi kontinua luta.
iha dia 5 to dia 7 de novembro 1977 povu Cablake hetan atake, bombardamento husi forsa indonesia ne`ebe mai husi loron no rai. depois dia 7 de novembro de 1977, Cablake rahun, povu barak mak hetan kapturasaun husi forsa indonesia no saudozu Frederico De Araujo (Hauta-Lafera), hamutuk ho nia kamarada sira mak hanesan Julio Sarmento Garibuana, Paulino Guteres no seluk seluk tan, nafatin mobiliza sivil militar hodi kontinua konsentra iha fatin ida naran Buititi area Manufahi nian durante tinan ida.
husi fatin ida ne`e inimigo sobu tan no kontinua evakua to iha alas manufahe nian halo resistensia iha alas to 31 de dezembro 1978, komandante bot saudozu prezidenti nicolau dos reis lou-bato mate ho komandante bot Nicolau Dos Reis Lou-Bato nia mate maka baze de apoiu rahun no estrutura sira hotu rahun hotu, husi ida ne`e saudozu Hauta-Lafera kontinua resiste hela, hanoin fila fali mai kablake ho nia maluk sira seluk ne`ebé mak sei moris, hanesan Julio Sarmento Garibuana hodi kria rede bolsa da resistensia hamutuk ho povu ne`ebe iha vila laran.
Iha 1980 konsegue hetan fila fali ligasaun ho ekipa ida delegasaun husi Maun Bot Kayrala Xanana Gusmão nian ho objetivo hodi partisipa iha konferensia nasional, iha fulan novembro 1980 saudozu Frederico De Araujo Hauta-Lafera ho nia maluk Julio Sarmento Garibuana no mos maluk sira seluk husi parte foho Cablake no parte foho Mamalau Ainaro nian mak hanesan saudozu Venancio Ferraz, Gil Oan Soru actual MACLN no forsa sira seluk hodi partisipa iha konferensia nasional iha fatin Maubai ponta leste Marco 1981.
Depois konferensia iha mobai fulan marco 1981 saudozu Frederico De Araujo Hauta Lafera hamutuk ho estrutura sivil e militar husi komando nasional mak hanesan saudozu mauhunu builerek kar taiana nudar komando nasional, saudozu Venancio Ferraz hanesan komandante região haksolok saudozu Julio Sarmento Garibuana komandante kompania e primeiro komandante destakamento ho sira seluk seluk hahu reorganiza no restrutura fila fali hodi kontinua estabelese estrutura iha fatin hot-hotu. ikus mai iha akordu entre komando nasional ho povu iha vila laran hodi halo operasaun militar 20 de Agusto de 1982 ba iha fatin ininimigo nian mak hanesan dare, hato-builico leusuati no rotuto depois de operasaun inimigo halo kontra ataque saudozu frederico de araujo hauta lafera kontinua resiste to hetan kapturasaun iha tinan 1991 husi inimigo iha fatin ainaro suro kraik no detein iha komando militar ainaro durante tinan ida, depois livre husi detensaun saudozu kontinua involve iha rede klandestina to 30 de Agusto 1999. iha tinan 2004 saudozu Frederico De Araujo Hauta-Lafera hetan nomeasaun husi komisaun homanagen hanesan kordenador para assuntos kuadros da resistensia posto dministrativo Hato-Huilico iha tinan 2009 saudozu Frederico De Araujo Hauta-Lafera hetan rekonesimento husi estado timor leste ho medalha ordens das Falilintil grau 2 15/19.
konsikuensia husi luta naruk ne`ebé saudozu Frederico De Araujo (Hauta Lafera) hasoru, ikus mai hetan moras komplikado no hetan tratamento ne`ebe ho tempo naruk, maibe la konseque rekopera no to ikusliu iha 5 Marco 2024 saudozu termina nia jornada moris iha mundo hodi husik hela familia inan faluk no oan kiak.
moris nudar sasin ida mate sira, hodi sai hanesan kontribuisaun ba ita nia rain hodi hetan ukun rasik a’an basa ukun rasik an laos presente ida ne`ebe ema oferese deit ba ita, maibe liu husi ita nia luta ne`ebe nakonu ho terus no susar tomak no lori ita nia isin no ran mak sosa liberdade.
STJ: Fina/ Carmen/Cely
Editor : Lian Orluli
