Lian Orluli— Sekretáriu estadu komunikasaun sosial fasilita formasaun multi média ba funsionáriu liña ministeriais no jornalista media lokal sira iha munisípiu Ainaro, formasaun ne’e ho objektivu hasa’e koñesementu iha area tekniku multi média, operasaun camera no gravasaun video inklui hakerek noticia audiosúal.
Ba jornalista Lian Orluli, reprezentante sekretáriu Estadu Komunikasaun Sosiál atual Xefe Gabinete SEKOMS, Elizeu Frnandes Isaac hateten, formasaun ida ne’e hala’o envolve formandu na’in rua nulu resin neen durante oras haat nulu resin ualu, durante loron lima hahú iha segunda feira no sei termina sesta-feira semana ne’e, ho limitasaun tempu. tamba ne’e reprezentante Sekretáriu Estadu ne’e husu ba partisipante sira atu hatoo proposta nune’e iha tempu ruma bele iha kuntinuasaun ba formasaun ba funsionariu estadu no jornalista media lokál sira.
‘‘Formasaun Multimedia ne’e hanesan kontinuasaun, tanba 2019 , ita hala’o tia ona, hanesan Multimedia no Pawer Spicen , formasaun loron 5, horas 40 ne’e hau senti lato’o ,tuir Nunu governo konstituisional,artigo 11 ko’alia klaro oinsa atu tau importansia ba area Komunikasaun Social, tanba ne’e mak Scretario SECOMS husu ba Sua Exelecia Primeiro Ministro, hodi bele kordena servisu relasiona ho Komunikasaun Social , tanba ne’e mak ita kopera Servisu Secretario Estado Comunikasaun Social, fortifikasaun formasaun, Planeamento Dezenvolvimento Media Lokal,’’Reprezentante sekretáriu Estadu Komunikasaun Sosiál atual Xefe Gabinete SEKOMS Elizeu Fernandes Isaac. Sigunda (6/11/23)
Reprezentante koordenador CEFTEC Luís Evaristo husu ba partisipante sira atu partisipa formasaun multi média ho masimu durante loron lima atu nune’e materia ne’ebé hetan bele sai hanesan bokae ida hodi implementa iha servisu fatin.
‘‘Tanba media social ne’e importante tebes, liu husi formasaun ida ne’e ita boot sira bele ona atu jere pagina ida hodi publika informasaun iha area rurais no mos Governo nian ,Munisipio Ainaro ba ema hotu bele asesu ba , tanba liu husi formasaun ida ne’e atu haklean ita boot sira nia koinesemento oinsa atu jere media social ho diak no saudavel ba benefisiu povu Timor ninian,” Reprezentante koordenador ceftec luís evaristo
Sekrtária munisípiu Ainaro Rosa Olga Mendonsa konsidera formasaun multi média impotrtante tebes ba funsionariu sira, tamba ne’e sekretária munisipiu refere husu ba partisipante sira atu partisipa ho masimu labele husik fatin formasaun wainhira treinador sira fó hela materia
“ Husu ba partisipa ho masimo hodi entende didiak konaba Multimedia ,importante tebes,liu-liu oinsa atu foti Fotografia ho diak , no mos Video atu nune’e bele aumenta tan ita boot sira nia kapasidade , atu nune’e bele jere pajina ida hodi fortifika liu tan ita bot sira nia koinesemento hodi fo sai informasaun ne’ebe mak hala’o iha munisípio ba publiku,’’Sekrtária munisípiu ainaro roza olga mendonsa
Enkuantu formasaun durante loron lima ho materia mak hanesan konselhu tekniku báziku multi média, tekniku operasaun kamera no gravasaun vídeo, tekniku hakerek notisia audio visuál, etapa produsaun vídeo, teknika edisaun vídeo a dobe primere, kria fans page média sosiál no públikasau, video foto grafer
Formasaun ba funsionáriu liña ministeriais no jornalista media lokal sira iha munisípiu Ainaro hamutuk rua nulu resin neen, formasaun ne’e hala’o durante loron 5, hahu husi loron (6-10/11/2023), Formasaun ne’e sei ensera ho distribuisaun sertifikadu.
Jornalista : Sarah
Editor: Lian Orluli
