Lian orluli–Planu estatístika munisípiu Ainaro sei komesa hikas sensus iha loron 04/09/2022, hodi kontribui ba planu dezevolvimentu nasional.
Xefe Estatístika Munisípiu Ainaro, Filomeno Baptista Amaral husu komunidade tenki kontribui ba sensus uma kain ho razaun fundamentál kontribui ba planu dezenvolvimento nasionál.
“komunidade hotu -hotu tenki kontribui ba sensus uma kain atu nune’e wainhira funsionário sira foti dadus tuir uma kain, tanba ne’e kontribui ba planu dezenvolvimentu nasional,’’ dehan Diretór estatístika ne’e ba Lian orluli iha nia kna’ar fatin, tersa (03/08/2022).
Alende ne’e xefe estatístika ne’e argumenta katak sensus uma kain iha tinan 2022 sei hala’o iha 4 fulan setembro no sei remata iha loron 4 fulan outubro 2022.
“Funsionáriu kontratadu ne’ebé ami presiza ne’e iha 169 inklui mos supervisor 32, enomerador 137 ida ne’e mak sei distribui ba iha 166 enomerasaun area iha munisípio Ainaro, total populasaun iha munisípio Ainaro iha tinan 2021 hamutuk rihun 65.63, kompostu husi feto hamutuk rihun 31.000, mane iha rihun 34.000,’’ nia sublina.
Observasaun media Lian Orluli nota, oras ne’e dadaun estátistika munisípiu Ainaro hala’o ona intrevista ba funsionário kontratadu ne’ebé pasa iha selesaun dokumentus hodi submete ba iha loron 4 de setembru 2022 hala’o sensus uma kain
Editor: Lian Orluli
