Ainaro Lian Orluli — Sidadaun na’in 5 husi munisípiu Ainaro hatama osan dolar rihun rua ($2000) bá kofre estadu, bainhira husu autorizaun loke BG
Reprezentante jogu BG Laurentino de Araújo bá orluli news kuarta feira (22/11/22) ne’e informa sidadaun na’in lima loke BG tanba husu lisensa husi inspesaun de jogu no selu Taxa ba Kofre Estadu kada ema ida selu dolar atus haat ($400), liu husi Banku Nasionál Ultramarinu ne’ebé lokaliza iha Ainaro villa.
Jogu ne’e sei hala’o durante loron 8 hahú iha segunda loron 21 no sei remata iha loron 28 fulan novembru tinan ne’e, relasiona ho loron proklamasaun 28 novembru
“Ami hetan autorijasaun primeiru husi Administrsaun munisipiu Ainaro, ligado mos ba MTCI sira fo proposta ba IGE bele fo autoijasaun nune’e ami bele loke jogu bola guling (BG) iha Ainaro,” reprezentante BG laurentino de Araújo.
Enkuantu kona-bá kestaun seguransa Laurentino de Araújo informa ona bá autoridade PNTL munisípiu Ainaro no atu kolobora bainhira mosu disturbus envolve jogador sira iha fatin BG iha área resintu palku haksolok Ainaro villa.
Relasiona ho aktvidade jogu ne’ebé hala’o, orluli news tenta hala’o konfirmasaun ho komandante PNTL munisípiu Ainaro superintendente Justino Menezes kona- bá kestaun seguransa, maibé komandante ne’e laiha fatin, tuir informasaun husi PNTL Ainaro katak, komandante hala’o hela viazen ba postu Adminisrativu Maubisse.
Editor : Orluli news.
