Lian orluli— Ervisu Munsipál Saúde Direktór Benedito Mendonça dos Santos hateten lansa Aimoruk Albendazole hodi kombate lombriga iha labarik sira nia kabun laran
“atividade ohin nia objetivu fahe aimoruk lombriga ba labarik sira, ita hatene katak lombriga ne’e moris iha ita nia té oan no trasmite liu husi rai, foer sira ne’ebe kontamina ho ema nia liur-bo’ot, ita hatene katak lombriga ne’e moris ona iha ita nia té oan fó impaktu ba labarik sira nia nutrisaun no bele afetadu má nutrisaun, ran menus, raes badak, kresimentu atrofiadu, atividade ida ne’e ita hare liu ba labarik sira husi ensinu bá ziku husi primeiru anu to’o iha nunu anu, ho estudante hamutuk 19,565 atu hateten de’it husi estudante hirak ne’e, iha 75% ita bele liu ona tarjetu ne’ebe ita target no agora ita iha ona kolaborasaun di’ak ho edukasaun atu bele ultrapasa liu número nebe’e mak iha, komprimisiu katak 100% estudante sira bele hetan aimoruk albendazole,” esplika Diretór SMS Ainaro
Diretór sms ne’e hatutan “Ita la servisu mesak ona ita iha parseiru ne’ebé di’ak hanesan ministériu edukasaun, hetan tulun husi parseiru internasionál who no parseiru internasional unicef no hetan mós apoiu husi ministériu edukasaun, no programa ne’e hahu iha 13-22 marsu remata,atividade ne’e lansa iha eskola ensinu baziku venançio ferras-ainaro hanesan simbolika de’it,no agora iha postu hatu-udo, hatu-builico no maubisse mós hahu fahe aimoruk iha eskola sira,” diretur ne’e hatutan
Alende ne’e diretór edukasaun munisípiu Ainaro Patricio da Costa Magno, hatutan tan atividade fahe aimoruk lombriga, inportante tebes hodi evita moras ba estudante sira
“Programa ne’e di’ak no importante tebes ba ita nia oan sira nia saúde,hanesan edukasaun apoiu tebes saúde atu kombate aimoruk ne’e,ba ita nia postu ha’at iha munisípiu ainaro hetan hotu aimoruk ida ne’e, ita ainaro ema sempre hateten ita raes badak ho oportunidade ida ne’e edukasaun fo obrigadu ba ita nia parseiru who no unicef,koica fó apoiu ona mai ita nia oan sira ho total eskola 93 no alunos hamutuk 19,565 iha munisípiu ainaro,hanesan direktor edukasaun iha poder tomak atu fó hatene ba direktores ensinu báziku no eskola filiais sira ne’ebe mak rejista iha edukasaun ainaro bele hetan hotu aimoruk albendazole” dehan diretór edukasaun munísipiu Ainaro Patricio iha ambitu abertura distribuisaun aimork lubriga iha eskola Venancio Ferraz Ainaro
Entertantu partisipa iha abertura distribuisaun amiruk albendazole, husi diretór saúde, diretor edukasaun,unicef,who,xefe sentru saúde,ps,reprejentante inspiktor pre-ekolar,professores no estudante sira.
Jornalista : Fynha Sarmento
Editor : lian orluli
