Jornalista: Norvia Ramos
Lian Orluli – 21/03/22 – Tais mak identidade kultura Timor nian, liu hosi soru tais familia kbiit laek balun hodi sustenta moris loloron nian.
Ba Jornalista lian Orluli Silveira de Araujo hateten, durante forma familia moris ho soru tais mak hodi atende necesidade ba oan sira no uma laran nian.
“Hau iha oan nain-hitu balun agora remata ona iha sekundaria, durante ne’e hau sustenta sira no necesidade kada loron nian liu hosi soru-tais,loron tolu hau soru tais ida fan no hetan dolar-$20, liu hosi rendimentu hirak ne mak hodi sustenta hela ami nia moris”. Silvera haktuir ho laran triste
Silvera haktuir tan moris ho familia no hamotuk ho oan nai 7 balun eskola remata ona iha sekundaria no labele atu kontinua ba universidade tamba laiha osan hoduli selu eskola.
“Durante ne ami nia moris depende husi soru tais no halo tos deit, hodi sustenta ba ami nia moris,tamba ne atu suporta ami nia oan ba eskla Universidade forsa la to”. Hatutan Silveira.
Durante tinan barak ona sr, silveira moris husi soru Tais hodi bele sustenta nia no atende oan nain 7 sira nia hakarak ho nesidaden loron-loron nia.
Editor : Clementina Fatima
