Lian Orluli — Sosiadade Sivíl Munisípiu Ainaro, Aprezenta Programa Implementasaun iha baze ba Autoridade Munisípiu Ainaro (AMA) nune’e iha futuru labele dupla ho programa Governu Lokál
Programa ne’ebe durante ne’e implementa husi Sosiadade Sivíl Munisípiu Ainaro nian maka Saúde, Agrikultura Dezastre Naturais ne’ebe mak durante ne’e Implementa iha Posto Administrativo Ha’at, maka hanesan Ainaro, Hato-udo, Hato-Builico no Maubisse, nune’e iha futuru labele dupla ho programa Governu wainhira Implementa iha suku
Diretór Fundasaun Maharu Bonefacio Sereno Ramailho Agradese ba Autoridade Munisípiu Ainaro ho disponibiladade rona direta Organizasaun ida-idak nia aprejentasaun ba Programa ne’ebe mak Implementa ona iha baze nune’e bele apar ho programa Governu nian iha futuru atu labele dupla iha implementasaun
“Senti kontente no agradese ba Autoridade Munisípiu Ainaro no Diretór sira bele rona direta ONG Lokál no parseiru Internasional sira, aprejenta Programa ne’ebe durante ne’e implementa hela kona ba Saúde , Agrikultura, Dezastre Naturais, Merenda Eskolar, no seluk tan. liu husi aprejentasaun ne’e atu nune’e Autoridade sira bele apar nune’e ba futuru Implementa labele dupla iha suku ida”, Dehan Diretór Fundasaun Maharu, Bonefasio iha Salaun enkontru Administrasaun Munisípio Segunda ne’e (27/05/2024)
Fatin hanesan Diretór ONG Jonato Dias de Araujo Xavier hateten husi Sorumotuk ne’e atu Parseiro Sira bele aprejenta Sira Nia prosesu Implementasaun no atinjimento
” Liu husi Sorumotuk ne’e atu parseiro dezenvolvimento sira bele aprejenta Programa no prosesu ne’ebe mak durante ne’e hala’o ona iha baze nune’e, autoridade bele tau konsiderasaun iha aktividade sira atu nune’e governo Implementa nia programa labele dupla iha baze liu-liu ba iha suku sira, tanba ONG sira maka pilar ne’ebe importante apoiu no habelar governu nia liman ain”, Hatutan Diretór ONG Jonato
Enkuantu Aktividade ne’e hala’o perante loron ida, marka prejensa husi Prezidente Autoridade Munisípiu Ainaro Manuela Georgina Carmo Bucar Corte-real, Diretór Planemento Nugeiro de Almedia Gusmao , Diretór ONG, Jonato Dias de Araujo Xavier, Diretóra MAPPF Munisípiu Ainaro, Aguida Judit Mendonca, Diretóra Dezastre Naturais , Diretór SEMASA,Parseiro Dezenvolvimento, sira maka Plan Internasional no Care Internasional, ALFELA, NAFOFILA, SAPIP, Mercy Corps , CALIF, iha Salaun enkontru administrasaun Munisípiu Ainaro
Jornalista : Sara lewis
Editor: Lian Orluli
