Lian Orluli— Sekretariadu Tékniku Administrasaun Eleitoral, STAE munisipiu Ainaro hahu prepara ona matereal ba eleisaun Lideransa suku ba segundu ronde ne’ebé sei realija iha loron 13 novembru tinan ne’e, responsavel STAE Ainaro Francisco Bianco konfirma, Matreal ba eleisaun orgaun suku segundu ronde hahu prepara ona no sei konsentra iha Postu Administrativu sira.
“Materiál ba eleisaun Segundu ronde hahu prepara ona, materiál eleisaun primeiru nian ne’ebé konsentra iha ida-idak nia posto pesoal STAE apoiu suku sei rekoilla atu verifika fali materil iha posto mai iha munisipiu no sei halo pakotementu ba materiál sensetivu no laos sensitivu sira hodi desloka ba iha suku sira, no eleisaun ba segundu ronde iha deit suku 16 maka avansa no aldeia 95, tanba lideransa 5 hetan ona votus absoluta,” Hateten Diretor STAE Munisipiu Ainaro Fransico Bianco
Nia hatutan tan, buletin votus orientasaun STAE nasional sei klarifika no verifika válidasaun buletin sira, hodi hetan aprovosaun nune’e distribui ba munisipiu sira ne’ebe sei hakat ba ronde daruak hodi hili orgaun Suku no Aldeia
“Bilite de votus orientasaun STAE Nasional fo hatene diretor 13 munisipiu sei klafika no verifika fali bilete los ou lalos nune’e hodi hadia no distribui ba munisipiu sira. Tuir orientasaun Diretor Geral STAE nian dia 8 husi nasional sei distribui material ba munisipiu hodi halo pakotementu durante loron 2 antes distribui ba sentru Votasaun ba segundu ronde ne’ebé sei hahu iha oras 9:00 no remata 3:00”. nia hakotu
Entertantu munisipiu Ainaro iha postu Administrativu 4, suku 21, aldeia 131 no husi númeru ne’e aldeia 95 no suku 16 sei hakat ba segundu ronde iha loron 13 fulan novebru tinan 2023.
STJ: Nina/Reny/marcya
Editor : Lian Orluli
