Lian Orluli–5,setembru- Suku Mau-Chiga hato’o ona ninia ezijénsia atu Governu hadi’a estrada ne’ebé liga Aldeia Lesuhati ba Leotelo. Estrada ne’e hetan estragu maka’as, no kuak barak, konsidera grave tebes defekulta redizidente sira labele asesu ho diak,ho transporte publiku ka provadu.
Lucas de Araújo hateten kondisaun estrada ne’e sai obstáklu boot ba rezidente sira-nia ekonomia, tanba maioria komunidade iha suku Mauchiga moris ho produtu lokal, maibe’e defekulta tebes komunidade bainhira transporta produtu sira ba iha merkadu
“Ita ukun-an tinan ruanulu resin ona, maibe ita nia estrada sei hanesan ne’e nafatin. Susar atu lori produtu lokal nian ba merkadu, labarik sira dalabarak tarde ba eskola, no se ema ruma moras, susar tebes atu lori sira ba sentru saúde komunitaria,” dehan iha Sesta Feira dia(5 Setembru 2025).
Tuir abitante sira, sira hato’o keixa kona-ba kondisaun estrada ne’ebé hetan estragu iha tempu naruk nia laran, maibé to’o ohin loron seidauk iha asaun konkreta husi Governu lokal. Sira afirma katak dezenvolvimentu infraestrutura báziku hanesan estrada sira maka direitu ida ne’ebé ba sidadaun hotu-hotu tenke goza.
“Suku Mauchiga ho nia Aldeia Lima, konsidera estrda ne’e públiku, ba komunidade sira, susar tebes asesu ho transporte públiku nune’e atu fa’an aihan lokál sira iha merkadu, bainhira tempu udan, komunidade sira labele asesu ba merkadu tanba ho kondisaun estrada ne’ebé la dun sufisienta ba, entaun produtu lokal sira estraga no soe deit” hatutan Rezidente Lucas
Reprezentante juventude Mau-Chiga Jaime de Araújo hatutan, komunidade nia luta la’ós de’it kona-ba konfortu, maibé mós kona-ba justisa, no dezemvolimentu
“Ami hakarak esperiénsia independénsia loloos. Timor ukun-an liu ona dékada rua, maibé karik asesu báziku, hanesan estrada sira, sei husik hela iha aat, ne’e signifika katak ami seidauk independente tomak”, nia hatete.
Nune’e Administrador Postu Hato-buliko Aniceto Marces Orleans,hateten problema estrada Suku Mauchiga aprejenta ona ba iha konseillu konsultivu municipal hodi deskuti, hodi tau iha ba planu ba 2026.
“loos duni kona-ba estrada liga husi Lesuhati to Leotelu um no dois, tama ona iha planu 2026, ida ne’e inportante tebes, ita foti ona assuntu ne’e iha sorumotu konseillo konsultivu, hodi hare hamotuk ba problema ne’e, tanba komunidade lubuk ida iha suku Mauchiga maka asesu ba estrada refere”. Dehan Administradór Postu Hato-buliko, via telefone
Komunidade espera Governu sei aloka fundus hodi hadia auto-estrada Lesuhati-Leotelo. bainhira la relaiza , komunidade sei nafatin ezije hodi hetan atensaun iha tempu badak
Entertantu Suku Mauchiga iha Aldeia Lima no Xefe Familia Suku Mauciga iha rihun tolu resin
Jornalista : Odelia/Lucia
Editor : Clementina Fatima
