Lian Orluli— Tuir Diretór Saúde Munisipiu Ainaro, Agustino da Costa konfirma Pesoal Saúde ho Títulu kontratadu hamutuk 80 sei termina kontratu iha loron 31 fulan dezembru tinan ne’e iha Munisipiu Ainaro
“Ema 80 ne’ebe mak klasifika ba saúde ba família iha 66, Malaria 6, HIV 2 TB 6, Malaria, HIV no Tb sira husi Ministeriu konsidera ajente administrasaun públika nian no saúde na familia mai ho rejime internatu no sira nia kontratu sei termina iha loron 31 kontratadu nee maioria prense husi postu saúde sira,” Diretór ne’e esplika
Diretór ne’e hateten ida ne’e desizaun husi superior sira atu estende ka lae maibe sei hare’e mos husi kontratu pesoal sira
“Hau hanoin ba ministeriu saude sira dehan orsamentu sei seguru atu extende tan ida nee kompetensia Ministeriu saúde nian, ami iha Munisípiu prontu atu halao servisu tuir rekursus umanu ne’ebe mak bele sufisiente hodi halao servisu iha terrenu,” kinta(21/12/23) haktuir Diretor saude ne’e ba lian orluli iha sentru saúde Ainaro
Maske nune’e tuir planu diretór ne’e sei estabelese tan fasilidade saúde ba postu no suku sira iha Ainaro hodi atende pasiemte sira
“Ita iha ona planu ba kontrusaun fasilidade saude iha postu haat no suku neebe dook Husi centru saude no ita iha mos rai ba konstrusaun sentru saude neebe ita planu atu konstrui iha tinan 2024 tanba nee haree mos orsamentu parte.” Niahatutan
Pesoal Funsionáriu saúde sira ne’ebe sei termina kontratu iha 31 dezembru tinan ne’e balun rejime internatu
Jornalista : Jeny
Editor : Lian Orluli
