Lian Orluli— Suspeitu ne’ebé hakanek Vítima ida iha Área Sem, Aldeia Hato-udo, Postu Administrativu Bobonaro, ho inisial HD ho nia oan mane JHS intrega aan ona iha komando PNTL Munisipiu Ainaro.
Lia hirak ne’e hato’o husi Komandante polísia servisus Investigasaun munisípiu Ainaro, Sarjentu chefe Armindo dó Rosário, suspeitu na’in rua nudar aman no oan, ho inisial HD núdar aman no JHS núdar oan, ne’ebé sai hanesan autor prinisipal kaer sasán kro’at hodi hakanek vítima Rogério iha área Sem Aldeia Hatu-udu suku Malaeubu, postu Administrativu Bobonaru munisípiu Bobonaro, iha loron rua fulan Novembru tinan ne’e (2/11/23), hafoin lori aifunan ba tau iha rate ida iha Área Sem.
Vitima Rogério
Ho akontesimentu ne’e, suspeitu na’in rua subar a’an iha ai-laran durante kalan rua, hahú iha kinta Kalan to’o Sesta kalan no iha Sabadu loron 4 fulan Novembru, entrega mai iha komandu PNTL Ainaro, hodi halo prosesu investigasaun, hafoin halo konfirmasaun polísia seksaun investigasaun kriminal munisípiu Bobonaro hodi kontinua loke prosesu kontinuasaun.
Sarjentu chefe Armindo do Rosário
“Iha lron finado ne’e, mosu komfrontu ida iha uskai, iha lamentasaun ruma maka oan mane taa vitima naran Rogerio, depois akontese sira halai subar iha ai-laran to’o loron rua ohin sira mai intrega aan iha komando PNTL Munisipiu Ainaro,” Komandante Polísia servisus investigasaun munisípiu Ainaro sarjentu chefe Armindo dó Rosário, hato’o ba jornalista iha nia kna’ar fatin,sabadu(4/11/23)
Sarjentu chefe Armindo do Rosário hatutan, razaun suspeitu na’in rua husi Bobonaro mai entrega a’an iha komandu PNTL munisípiu Ainaro, tamba tauk vítima nia família bele hanoin krime oin seluk hasoru sidadaun na’in rua ne’e.
“Sira halai mai intrega aan iha ne’e, tanba sira nia vida ne’e iha ameasadu hela, tanba ne’e sira liu husi dalan mai intregaan iha komando PNTL Ainaro tur sira rua fasil liu,” Sarjentu Xefe ne’e hatutan.
Hafoin hala’o prosesu identifikasaun, polísia detein kedas suspeitu na’in rua iha sela detensaun hodi hein informasaun ikus husi komandu PNTL munisípiu Bobonaro kona-bá sidadaun na’in rua ne’e.
Entretantu husi akontementu ne’e autor prinsipal maka nia oan mane ho inisial JHS.
Editor : Lian Orluli
