Ainaro lian orluli- sabadu-11-09-2202- Suspeitu ne’ebe kondus bus Tanet, iha asidente trafegiu ida ne’ebe akontese iha área Hatanalau Ainaro sexta-feira madrugada semana ne’e, ne’ebé halai husi responsabilidade, mak sabadu semana ne’e, entrega an ba komando Polisia Ainaro, hodi submete ba prosesu investigasaun.
Segundu komandante Polisia Tranzitu munisípiu Ainaro primeiru sarjentu Bernado de Araújo hafoin halo prosesu investigasaun ba suspeitu ho inisial FDR informa ba Orluli News katak, asidente trafiku ne’e akontese tamba suspeitu halai ho velosidade makas.
“suspeitu halai mudansa 4 to iha krujamentu atu fila ba liman karik, akontese bus baku fila tamba velosidaede makas tebes, tamba ne’e suspeitu agora entrega aan ona iha polosia hodi hodi submete ba invetigasaun” Dehan segundu komandante tranzitu munisípiu Ainaro primeiru sarjentu Bernado de Araújo ba jornalista iha nia kanar fatin.
Bis ne’ebé mak baku fila, ekipa Bombeiro Ainaro ho Polísia Tranzítu foti sai ona husi fatin akontesimentu Hatanalau, no transporta ona patraun nia rejidensia,tamba vítima sira ne’ebé kanek iha ona konkordansia atu responsabiliza.
Editor: orluli news
