Lian Orluli— Sosiedade Sivil (SV) Munispiu Ainaro Ana Maria liu husi entrevista jornalista lian orluli Ainaro hateten feto mos prontu atu konkore iha eleisaun suku tanba bazeia ba konstituisaun Repúblika demokartika Timor-Leste fo mos oportunidade ba feto sira sai lideransa
”Feto hotu-hotu prontu atu ba kandidatu aan ba iha eleisaun ne’ebe mak besik ona, husu mos ba governu oinsa atu fo apoiu maximu tanba sira mai husi Area ne’ebe mak la hanesan no mos ba ita ne’ebe mak hela dok husi ita ita nia komunidade husu ba governu presija sira nia apoiu tomak ba ita nia abilidades enkuantu ita tama ba iha eleisaun agora ba ita nia feto maluk sira ne’ebe mak atu kandidatu ba xefe suku ne’e apoiu husi governu mai ita feto” hateten Ana Maria Pereira iha nia knar fatin Ana Maria ESG.Fernando Lasama de Araujo Ainaro.
Tuir nia munisipiu Ainaro la iha autoridade ida atu bandu no kulturalmente fo biban ba feto maluk sira mos bele kandidata aan hanesan lideransa ida iha komunidade
”Hanesan inan ida representa feto katak sistema ne’ebe mak iha, ita nia kultura liu-liu liga ho kultura Ainaro nian ita hare’e fo liu prioridade ba feto maluk sira atu kandidata aan ba Xefe suku, ita seidauk iha bandu ida katak feto labele, feto Ainaro prontu ona atu kandidata an ba iha eleisaun Xefe Suku fiar katak feto Ainaro bele.” Nia aumenta
Ana Maria kontinua hatete hanesan sidadaun ida iha direitu atu ba partisipa iha dezenvolvimentu iha parte hotu tanba feto ba laos atu ukun deit maibe lidera no nia kompara liransa suku iha munisipiu balu feto mos hanesan numeru 1 iha suku tanba feto mos iha kapasidade atu lidera
“Sim importante mak ne’e, nia sidadaun Timor eletoral iha suku ne’ebe sidadaun refere ba, agora dadaun ita hare iha Baucau Lalika, ita hare Ainaro deit iha suku Manu-Tasi Atual agora ne’e feto foun husi Dare, iha Baucau mos hanesan feto foun ida mak sai lideransa ba Xefe Suku,nia prontu atu sai Xefe Suku ho razaun ida ne’e katak ita feto mos iha kapasidade bele, tanba ita ba hanesan ema no mos ita ba atu lidera laos atu ukun, ukun ne’e halai liu ba kultura Biti ne’e mane maibe ba iha lidera atividade ne’e mak feto bele” nia hatutan
Iha sorin ne’e seluk Jerente fundasaun Nafofila Maria M.S.Barros mos komenta, tuir prespetiva Nafofila, buat ne’ebe mak Xefe Suku sesante halo Xefe Suku eleitu tenke kontinua hatutan tuir buat ne’ebe mak xefe suku sesante halo, nia mos hatutan, ONG sira kada eleisaun suku Fontil sempre fo apoiu halo monitoring nune’e iha balansu jéneru
“Agora ne’e jender, feto mos tenke kandidatu an atu bele sai Xefe Suku iha Suku ne’ebe mak feto eleitu ba no kona ba Xefe Suku ne’e ita la bele hare mak mane deit mak eleitu ba iha Xefe Suku feto mos tenke kandidata an atu nune ita bele hare balansun feto no mane ne’e iha” nia hakotu
Tuir observasaun jornalista autoridade iha munisipiu balu la autoriza feto sai lideransa tanba kulturalmente, wainhira failla servisu balun lideransa sira sempre hetan trata ho liafuan aat no insultu lideransa sira, tanba ne’e ho polítika autoridade nian la autoriza Feto sai lideransa, maibe lei fo dalan ba feto bele hetan pozisaun numeru 1 nasaun ida hanesan mos mane
Bazeia ba definisaun konstinutuisaun Repúblika Demokrátika Timor-Leste Artigu 17 kona ba “igualdade ba feto no mane” hateten, feto no mane iha direitu no obrigasaun hanesan iha moris família, kulturál, sosiál, ekonómiku no polítiku nia laran, alende ne’e mos iha Artigu 63 kona ba “Partisipasaun polítiku sidadaun sira-nian” iha alinea ida hateten,
Partisipasaun diretu no ativu hosi feto no mane sira iha moris polítika nian mak nu’udar kondisaun no instrumentu fundamentál sistema demokrátiku ninian no iha alinae rua hateten, Lei halo promosaun kona-ba igualdade direitu síviku no polítiku nian no la diskrimina kona-ba seksu iha asesu ba kargu polítiku nian.
ETJ: Kribo/Hanya
Editor : Lian Orluli
