Lian Orluli—Tribunal distrital suai aplika medida koasaun prizaun preventiva ba suspeitu AD envolve kazu sona kanek joven Napoleão Gonsavles, semana kotuk iha aldeia Fatulelo Ainaro
Husi akontesimentu ne’e vítima Napoleão Gonsavles kanek grave parte pulmaun liman los no ain parte karuk.
Komandante PNTL munisípiu Ainaro Superintendente Paulino Carmo Pereira informa relasiona ho kazu tentativa omesidu envolve suspeitu AD ne’ebé sona kanek vítima Napoleão Gonsavles, iha Aldeia Fatulelo suku Mau-ulu postu Administrativu Ainaro, iha tersa-feira kalan semana kotuk, Tribunal Distrital Suai aplika ona medida Kuasaun Prizaun Preventiva ba suspeitu.
Komandante PNTL munisípiu Ainaro Superintendente Paulino Carmo Pereira
“ Akontesemnetu ne’e rejulta vitima kanek grave tanba hetan sona husi Suspeitu agora dadaun vitima sei halo hela tartamentu iha Hospial Gudu Valadares, suspeitu ita halo kedas pedidu mandadu kapturasaun ita lori ba halo prosesu interogatóriu loron 8 fulan Augostu tinan ne’e iha tribunal Distrital Suai, husi prosesu primeiru interogatoriu ne’e halo kedas koasaun ba suspeitu hetan prizaun preventiva Iha Suai” esplika Komandantente Paulin Carmo ba jornalista iha nia kanra fatin. Tersa (8/08/23)
Alende ne’e suspeitu kanek parte ulun tamba ne’e, hafoin hala’o tratamentu iha loron rua fulan agosto to’o tersa semana ne’e, autoridade seguransa munisípiu Ainaro lori ona suspeitu AD ba tuir primeiru interogatóri iha Tibunal Distrital Suai no tribunal aplika medida koasaun prizaun preventiva ba suspeitu AD tamba kometa iha lei arma branka, lori sasán kro’at hodi hakanek vítima napoleão gonsalves.
Komandante ne’e husu ba sidadaun sira labele komete iha kazu arma branka hodi hakanek ema seluk nia isin no hakotu ema nia vida sei hetan kastigu iha prizaun
“Ba joven sira iha Munisipiu Ainaro, husu ba parte sira hotu-hotu tenki kontribui ba pas no estabilidade, kuanto ita hakanek ema ida ne’e konsedera ona krime sei prosesa tuir lei” dehan Comandante
Antes ne’e mós família husi vítima ijize ba autoridade seguransa atu halo detensaun ba suspeitu inisial AD ho rigorozu hodi submete ba trribunal distrital suai.
Editor : Lian Orluli
