Lian Orluli – Polisía Nasionál Timor-Leste Munisípiu Ainaro liu husi seksaun investigasaun kriminal, rejista kazu durante tinan 2023 hamutuk ualu-nulu resin, husi kazu hirak ne’e aas liu mak kazu ofensas tanba kauza husi konsumu alkohol
“ Progresu servisu ne’ebè mak ami rejistu hahù husi Fulan Janeiro-Dezembro 2023,total kazu ne’ebe mak ami rejistu hamutuk 87 husi kazu refere ami rejistu kazu a’as liu mak Ofensas Integridade fizíka simples kompostu husi posto administrativu ha’at hamutuk 30 mak hanesan Maubisse ,Hato-Builico, Hato-Udo no Ainaro, tuir fali mak Violensia Domestíka regista hamotuk 12, krime arma branca iha 9, no seluk tan mak hanesan lanu Ofensas korpural, ami rejista ida ou rua deit’’, dehan komandu investigasaun kriminal Ainaro Sarjentu xefe, Armindo do Rosário ba lian Orluli iha kna’ar fatin kinta ne’e 04/01/2024
Nune’e nia dehan husi kazu hirak ne’e rijista ona iha ministériu públiku no dau-daun ne’e balu sei iha prosesu nia laran
‘‘Husi kazu refere kuaze ami rejista ona iha Ministério Públiku no balun prosesu remata ona no balun sei iha Prosesu Investigasaun, balu remisaun ba tribunal, no balun sei ativa hela ”, nia hakotu
Enkuantu durante tinan 2023 totál kazu ne’ebe parte autoridade seguransa Ainaro rejista hamutuk 87
Enkuantu kazu hirak ne’e iha ona ministériu públiku hodi halo prosesu tuir lei balun besik termina ona no balun sei iha prosesu
Jornalista : Lian Orluli
Editor: Lian Orluli
