Lian Orluli- Facebook hanesan mídia ne’ebé foun iha era golabalizasaun ho ninia funsaun atu hafahe informasaun no simu informasaun. ho ida ne’e mós atu kompleta informasaun liu husi area komunikasaun nian. Husi sorin seluk mós liu husi facebook ema hotu mais fasil atu hetan informasaun, no fasil liu ba ema hotu atu halo komunikasaun inklui asesu informasaun husi ema seluk.
Facebook ne’e kria husi Estudante Husi Universidade Harvad ho naran Mark Zukerberg husi ema Amerkano nian, no lannsa iha loron 4 fulan Febreiru Tinan 2014. Ho nia objetivu maka atu hafasil transmiti informasaun no simu informasaun liu husi ema ida ba ema seluk.
Tamba ne’e hanesan ita hotu hatene katak, oras ne’e dadaun mídia facebook sai hanesan mídia ne’ebé maka oras ne’e dadaun ema uja sai hanesan mídia Negosiu no mídia estudu nian no seluk tan.
Alem de ida ne’e facebook mós hanesan mídia ida ne’ebé maka atu kompleta ita liu husi ninia area ne’ebé maka oi-oi hodi hetan informasaun positivu no negatovu nian mós iha ne’ebá.
Ho Rajaun fundamentál ne’ebé maka mensiona dadaun iha Postu Maubisse iha Joven ida ne’ebé kriativu utiliza mídia sosial Facebook hodi halo promosaun nia protu Ai-Funan ne’ebé maka nia kuda no prodús iha nia rezidensia.
Joven ne’e naran kompletu João Saores koiñesidu ho Naran Maun Anis Ertilen, Husi Aldeia Tilituku Postu Administrativu Maubisse Munisípiu Ainaro.
Liu husi dadalia ho Jornalista RKMM no Mídia Lian Orlulin loron 02 fulan Ferbreiru ne’e nia hateten, Ai-funan sira ne’ebe nia kuda laos atu fán maibe hafutar iha uma , entaun tau iha nia konta Facebook dada ema seluk hakarak sosa liu husi kometariu sira. Ho ida ne’e maka motiva nia atu kuda halo barak liutan.
“Fofoun kuda Ai-funan la hanoin atu fan atu hafutar uma oin sira, entaun tau halimar iha facebook ema mai sosa, ne’e maka motiva ita.” Tenik João
Nia hatutan tan katak”Iha 2016,2017 kuda Ai-funan rozas hanesan ohin hau dehan halo variasi uma deit entaun bot diak no funan ona, ema hare sempre gosta liu husi hau nia postingan sira iha facebook. Entaun ema hola antar ba Dili iha 2017, 2018 iha 2020 ne’e ema sosa diak ona, iha momentu Covid -19 Timor ne’e ita mesak fan Ai-Funan fresku ne’e loron loron hau ba foti Ai-funan to Hato Builiku, Dare, Manumera, Aituto tamba Ai-funan kada loron ema pesan Ai-funan tahan ne’e 200,300, to 400 tangkai, dalaruma mos besik 2000 tangkai kada loron ida. Momentu ne’e difikuldade ne’ebé ita hasoru maka hanesan, fan ba ho motor se lae dalaruma ita ba tempu udan Ai-funan sira mesak tahu deit tamba ita hasoru kareta dala ruma la dun komprende rai bokon hela mos nia mai tenki halai makas entaun tahu ne’e tenki haksoit kona mai ita, no mos tempu bai loron mos hanesan, entaun to ikus hau hanoin fali tau iha kaixa deit to agora’’
Alende ne’e nia hatutan maske fan deit liu husi promosaun Online maibe rendementu ne’ebé kada fulan $ 600.00 (Dolar Atus Nen) no kík liu maka dolar $ 100-00 (Dolar Atus Ida) sura husi rendementu ne’ebé maka nia hetan kada loron. “Tamba ita laiha merkadu permanente fan online depende ba ema husu, Grasa de Deus Loja sira dili laran ne’e konese ita didiak sira foti ho Ai-funan husi ita karik Ai-Funan husi Indonesia la tama. No ita nia kliente sira baibain presija ne’e maka dekorasi rasik deit entaun sira telfone direitamente depende deit dalaruma loron ida ita bele hetan osan $10, 20, tó $ 30 Dolar. Depende deit diak ida mai fulan ida it abele hetan $.100.00,200.00. mós bele tó $ 500.00, Dolar Atus Lima) no $ 600 Dolar Atus Nen). Nia rezultadu mak sosa motor Revo ida no mós Soud Sistem/ Setengah Band no han hemu ba lia no labarik nia eskola .”Hateten Kazal ho oan nain 7 kompostu husi mane 5, feto 2, iha nia rezidensia Aldeia Tilituku Suku Maubisse Villa.
João Soares Kuntinua hatutan kliente Ai-Funan nian Munisípiu rua maka kliente laiha hanesan Oecuse no Maliana maibe restu husi presija Ai-Funan Feresku Husi Maubisse. Tamba ne’e ba Governua nian husu presija fó apoiu ba ema ne’ebe presija no halo buat ruma la bele Apoiu ema sira ne’ebe buka tau bolus deit.
“Atu husu ba governu apoiu ema sira ne’ebe presija la bele apoiu ema sira ne’ebe tau bolsu sei ita hanoin uluk mak tau bolsu buat ne’ebe ita husu ne’e sei la lao, ita halo tiha lai ba mak husu la bele fo uluk. Tamba ne’e husu Governu se fo karik ba grupu familia sira ne’ebe kriativu. Atu núne’e osan ne’e mai labele han saugati deit. Ne’ebé hau atu husu ba karik bele apoiu mai ami mak Ai-funan oan ajuda ami buka dalan oinsa ami foti husi Indoneisa mai kuda iha Maubisse ida ne’e. Duke fó osan ba ema hatama Ai-Funan husi Rai Liur mai ema hela ho osan maibe ita hela ho Ai-Funan maran. Nusa la fo osan ba ita ho ita nafatin hela ho ita, tamba ne’e karik bele Apoiu ita duke eskola remata ba rai liur hau la hatene Timor ne’e ba oin ne’e halo nusa padahal Timor ne’e riku mais riku ne’e bainhira mak atu implementa’’. Hakotu Komunidade Produtores Ai-Funan Fresku Iha Maubisse João Soares.
Jornalista: Irene Tael/ Hanya/ Elzy
Editór: Moises Magno
