Lian Orluli – Udan durante loron ha’at, rejulta uma 12 rahun, iha Areia Ai-migudo Suku Nuno-mogue, Postu Administrativu Ainaro.
Xefe Aldeia Nuno-mogue Antonio de Araújo, hatete, udan durante loron 4 rejulta komunidade nia plantasaun no uma barak maka estragus afeita husi rai halai no monu, iha aldeia Nuno-moge rejulta uma 12 maka grave, vitima sira husi Aldeia Nunu-mogue-lau, Letelo II.
Xefe Aldeia Nuno-mogue Antonio de Araújo
“Familia afeitadu dezastre naturais, oras ne’e evakua ona husi fatin risku sira, balun oras ne’e iha familia vijinho sira nian, hodi hein apoiu emergensia husi Governu,” xefe aldeia Nuno-moge Antonio dehan. kuarta ne’e (05/07/2023)
Iha sorin seluk Reprejentate Komunidade Afeitadu, Muzinho dos Reis Amaral hatutan, iha Aimigudu, Suku Nuno-mogue, uma-kain 12 maka hetan estragus husi rai halai, durante iha tempu udan nia laran.
“Area Amigudu suku Nunu-mogue Posto Administrativo Hato-builico kuaze uma-kain 12 mak hetan estragus, Familia Afeitadu dezastre oras ne’e evakua ona ba iha Vizinho nia uma hela Provizorio”, Reprejenta Komunidade Afeita ba Dezastre Naturais Muzinho dos Reis Amaral hateten iha Suku Nunu-mogu.
Reperejentante famlia afetado Muzinho, rekomenda ba Governu ne’ebé mak tutela iha Parte dezastre naturais atu bele apoiu lalais sasan emergensia nian, ba iha familia Afeitadu dezastre naturais iha areia Aimegudu Suku Nuno-mogue.
“Husu ba Governu ne’ebé mak tutela iha parte dezastre naturais atu tau matan mai ami Vitima dezastre natural tanba uma hetan Estragus hotu, tanba ne’e Governu bele apoiu emergensia ”, Muzinho Rekomenda
Enkuantu familia Afetadu 12 evakua ona husi fatin risku ba iha fatin seguru, no hetan ona apoiu emergensia nesesidade bazika husi ekipa emeregnsia ne’ebé lidera husi Administrador Munisipiu,dirasaun risku dejastre, Autoridade seguransa PNTL, APC, Copera Parseiru CVTL, Plan, Mercy, iha Munisipio Ainaro.
Editór : Lian Orluli
