Lian Orluli— Anin ho Intensidade boot sobu uma 21 no UNP 2, inklui kapela 1, iha Aldeia Mulo no Tatiri, suku Mulo Postu Hato-builico, munisípiu Ainaro, iha kinta feira semana ne’e
Xefe Aldeia Mulo, Fidéncio Pacheco hateten, anin boot akonetese iha Oras Mais ou menus 02: 00 madrugada no iha Aldeia Mulo uma 10 inklui kapela ida iha Dare Ainaro hetan estragus.
“ Akontese anin boot ne’e mias ou menus iha oras tuku rua madrugada, subu uma 21 no UNP 1 inklui ho Kapela 1,” xefe Aldeia Mulo, Fidéncio Pacheco kinta feria (25-01-20)
Xefe suku Nunumoge Hilario informa via tele fone ba lian Orluli, iha Postu Administrativu Hatobulico, iha uma komunidade nian 1 iknlui ho UNP 1, hetan sobu husi anin boot durante oras 6
“ Dadus Provijoriu ne’ebé ita iha, Postu Hato-bulico foin iha uma komunidade nian ida no UNP maka hetan estragus ona husi anin boot” dehan xefe suku Nunomoge Hilario
Nune’e Vítima Rosa Freitas sente triste, tamba hela fatin hetan estragus husi anin, tanba ne’e nia husu ba governu atu tau matan ba vitima dezastre
“ Hau nia uma anin sobu tia, Hau truste oituan, maibe’e hanesan desastre naturais ida laiha buat ida, tanba ne’e hau nafatin husu tulun ba Governu tau matan hela ba hau”tenik Vitima Rosa
Nube’e mos Xefe Aldeia tatiri, Guilherme Alves hateten, anin boot ne’ebé akontese ne’e konsege sobu uma komunidade nian sanulu inklui uma naroman ba povu ida, no estraga plantasaun agrikultur sira
“ Senti triste oituan hare’e ba hau nia komunidade sira balun uma estragus hotu no balun nia palantasaun sira hanesan, batar, no aihan sira seluk tohar hotu,” Xefe Aldeia Tatiri, Guilherme Alves
Situasaun klimátika iha Munisipiu Ainaro hasoru Anin ne’ebé ho intensidade boot fó mos impaktu ba komunidade labele asesu ba enerjia eletrifikasaun durante loron 2
Relasiona ho akontesimentu ne’e, jornalista tenta konfirma ho Autoridade protesaun sivíl munisípiu Ainaro, maibé seidauk bele fó Deklarasaun Ofisiál tamba ekipa levantamentu sei tuun hela iha terrenu hodi rekolla dadus vítima afetadu sira ne’e
Jornalista : Lian Orluli
Editór : Lian Orluli
