Ainaro Lian Orluli— Anin bo’ot ne’ebé akontese iha fim de dezembru tinan 2022 to enisiu tinan 2023 rezulta komunidade Leotelu Suku Mauchiga Postu Hato-bulico, uma 9 hetan estragus total enkuantu uma ne’ebé habit ho aú la priensia kriteria hodi hetan apoiu emerjensia ruma husi Governu
Tanba ne’e komunidade konsedera Governu liu husi servisu Autoridade Protesaun Sivil Munisipiu Ainaro halo diskriminasau
“Hau sente Triste Tamba Sira husi ekipa konjunta dezastre Mai hare Hau Nia Uma sasan lekar hela iha rai laran, sira tama mai hare to hau nia uma laran, no ami aprejenta ona defikuldade durante anin sobu ami nia uma ne’e, sira hateten ba ami katak, uma uja Au maka habit labele hetan, maibe ba uma uza ho pregu no kalen sira maka bele hetan. Tamba ne’e ami la menta tebes ho sira nia levantementu ba dadus sira ne’e, ami ne’ebé iha area rual sira laiha kibit atu halo uma diak, ami nia kbi’it maka to iha ne’e ona, husu ba parte governu nia labele mai halo deskriminasaun ba ami Povu”. Komunidade Meliana do Carmo de Orleans, hato’o lamentasaun ne’e ba lian Orluli iha nia rezidensia Leo-telo suku Mauchiga, segunda (23/01/23)
Iha fatin hanesan Xefe Aldeia Leo-Telo 1 Carlos Ximenes hatutan, senti triste tebes ho ekipa konjunta liu husi APC nia levantementu ba dadaus ne’ebé foti iha baze, konsedera Governu halo, deskriminasaun ba Povu ki’ik.
“ Hau senti triste tebes ho ekipa konjunta nia levatamentu ba dadaus iha baze ne’e, desastre naturais ne’e mai la hare ba ema uma porega ho pregu ka uma sira kalen habi’it deit ho Ai-au, ba hau nia komunidade sira nebe’e kibi’i to’o maka uma sira prega ho pregu maibe’e ba sira ne’ebé kbi’it la to’o tenki uja au maka habit deit, husi ekipa levatementu dadaus nian Mi rekolha dadaus, dehan ne’e la tama iha kriteria ne’e hau konsedera Governu sira mai halo deskriminasaun ba povu kbi’it laek”. Xefe Aldeia Leotelo 1 Carlos ximenes hateten
Relasiona ho prekupasaun Komunidade Leotelu nian jornalista Lian Orluli tenta intervista ho Comandante Autiridade Protesaun Civíl (APC) inspetor Afonsu da Silva, afirma ekipa levantamentu dadaus husi APC rekolha dadaus maibe’e preoridade liu ba uma hela fatin, enkuantu ba dapur, cassa de banho, ho uma kioske ekipa sei la rejistu
“Rejista uma sira at total hanesan anin sobu kalen sanulu ba leten ne’e hetan apoiu emergensia husi diresaun risku dezastre, prioridade liu ba hela fatin se anin sobu ona, la hare ba uma uza au ka uma mutin ou uma hadak inklui uma dut ou simples ida maibé fatin ne’e mak nia hela ba duni ida ne’e tama iha kategoria no agora daudaun ita fahe ekipa rua ida iha postu administrativu Hatu-builico no ida iha Postu Administrativu Maubisse, kona ba dadus los ita hein semana oin baihra ekipa rekolha hotu ona foin bele fo sai,” Inspetor Afonsu, karifika
Enkuantu anin boo’ot ne’ebé akontese iha fulan ikus Dezembru to inisiu fulan Janeiru tinan 2023 rejulta komunidade uma kain 9 hetan estragus total iha aldeia Leotelu suku Mauchiga Postu administrativu Hato-bulico, maibe’e uma kain 4 maka hetan rejistu konsedera tama iha kriteria hodi bele hetan apoiu emergensia
Editor : Lian Orluli
