Ainaro lian orluli— Uma kain 350 iha aldeia Bobe suku Foho-ailico tinan 20 resin ona seidauk asesu ba enerjia eletridade.
Xefe Suku Foho- ailico Deonato de Araújo ba orluli news, informa katak, komunidade 350 hela iha aldeia Bobe la’ós de’it husi suku Foho Ailico, maibé husi mós suku leolima, ne’ebé durante hela iha Bobe halo toos no peska iha tasi.
“ Komunidade sira ne’ebé hela iha ne’e desde tempu Portugues nian depois de tempu Indonesia balun namkari hotu ba hela iha vila no balun mos kontina mai fali iha knua ne’e no konsentra iha ne’e husi suku rua nia ema, suku Foho- ailico no Leolima, aldei Ainaro ki’ik, Nuno-bubocu, Rae soro, Gou-lau, Hutseo, Raemerlau, Baha, Lebu mera. kuaze populasaun sira husi aldei ne’ebé maka mensiona ne’e maka mai konsenta hotu iha aldeia Bobe ne’e, pur vola de xefe familia 350 ital maka iha fatin ne’ebé maka ate a data sedauk asesu ba eletrsidade”. Dehan xefe suku foho Ailico Deonato Laet ba jornalista iha Bobe, kuarta semana ne’e (16/11/22)
Nia mos hatutan tan durante iha mandatu husi 2016 proposta lubuk ida maka hato’o ona no tenta lobi mos ho kompania internasinal sira sedauk hetan resposta.
“Ami nia mandatu hahu husi 2016, proposta lubun ida maka hau ho xefe suku Leolima hato’o no ba rasik iha EDTL nasional, no ba lobi kompania sira, no halo aprosimasun ba iha parte governu atu komunidade iha fatin ne’e bele hetan letrisidade, no liu husi proposta eskrita mos ba, ate a data sedauk hetan resposta, diak husi parte governu.” Hatutan Xefe Suku Foho-ailico.
Alen de ne’e abitante Afonso Machado hatete, iha tempu kalan komunidade sira uza solar painel, maibé sidadaun ne’ebé laiha kbiit tenki tuku kami hodi sunu tamba ne’e nia husu ba governu iha diskusaun orsamentu jerál estadu bele dada eletrisidade ba komunidade bele asesu.
“ Ami uja deit solar sel maibe’e sosa rasik deit iha merkado, maibe uma kain balun maka laiha kbi’it tuku kami hodi sunu”. Abitante Afonso Machado
Enkuantu Aldeia Bobe, iha eskola ensinu baziku ida, no postu Saúde ida, maibé tempu kalan mós tenki nakukun.
Entertantu Bobe potensia ba setór agrikultura, maibé kondisaun estrada sei aat hela tamba sei hala’o hela konstrusaun husi kompainha balun.
Editor : Orluli News
