Lian orluli-24-06-2022- Xefe Aldeia Nugufu Suku Ainaro Postu Ainaro, Manuel de Orleans Fátima, afirma uma MDJs ne’ebe governu prepara ba kbi’it la’ek hamutuk 52 oras ne’e da-daun komunidade abandona hela 31 razaun laiha seguru ba anin no uza de’it 21.
“uma MDJs iha aldeia Nugufu total 52 maibe’e komunidade uza de’it 21 avandona 31 rajaun tamba la seguru wahira iha tempu anin, tamba ne’e komunidadae trauma hodi avandona hela fatin ne’e, hodi fila ba hela iha fatin ne’ebe maka oras ne’e dadau sira hela ba”. Dehan xefe aldei ne’e, wahira partisipa inagura Uma UKL 3 Iha Suku Ainaro, sesta (24/06/2022).
Autoridade lokal ne’e rekomenda ba governu no ajénsia sira bainhira atu halo uma ba kbi’it laek sira tenke preparasaun ne’ebé di’ak hodi harii uma ne’ebé ho kondisaun dignu ba povu kiik sira iha baze.
“Karik husi parte governu ka Ajénsia ruma ne’ebe maka atu prepara fatin ba komunidade ne’ebe kbi’it laek presija prepara fatin ne’ebe maka ho dignu hanesan agora dadaun programa UKL ne’ebe kada adleia ida Uma tolu ne’e,tamba komunidadae ne’ebe kbi’it laek ne’e presija atu tau matan ho dignu no diak liu tan, uma MDJs 51 ne’e nain sira iha hotu, ba sira ne’ebe abandona tanba trauma ho tempu anin bo’ot kuando doko makas halo sira labele atu hela iha uma nia laran, no agora dadaun uma sira kondisaun estraga hela no sedauk ba hadia, no liga ba eletrisidade liga ba Uma MDJs agora dadaun asesu hela,’’katak Manuel.
Editor: Lian Orluli
