Lian–Orluli, 15 Janeiru 2026 – Uma sanulu-resin-ida hetan estragu tanba anin maka’as ne’ebé maka Akontese iha Munisipiu Ainaro dezde 9 -15, Janeiru 2026.
Diretór Autoridade Protesaun Sivíl Munisipiu Ainaro (APC), Moises Mota Menezes, esplika estragu ne’e akontese iha Postu Administrativu tolu inklui Ainaro,Maka Hatu-Udo, Maubisse, no Hatu-Builico, iha área Munisipiu Ainaro nian.
“Desde loron 09 fulan-Janeiru, anin maka’as estraga ona uma sanulu-resin-ida. Estragu ne’e hanesan rezultadu hosi dezastre naturál ida, no to’o agora, asisténsia ne’ebé fó nafatin hanesan asisténsia emerjénsia”, hatete hosi Moises Mota Menezes. Diretur Autoridade Protesaun Civil
Nia hatutan, maioria estragus ne’e kategoria hanesan kaman, maske anin ne’ebé relativamente maka’as oituan. Tanba ne’e, hafoin rekolla dadus no relata ba nivel nasionál, risku dezastre ne’e kategoriza hanesan normál to’o grave, maibé seidauk presiza medida espesiál ho eskala boot.
“Autoridade Protesaun Sivíl sai nafatin ajénsia primária ne’ebé kaer servisu emerjénsia dezastre iha Munisípiu Ainaro,” Diretur ne’e subliña.
To’o ohin loron, APC fahe ona asisténsia emerjénsia ba família sira ne’ebé afetadu no kontinua monitoriza risku potensiál ba dezastre sira seluk iha área ne’e.
Jornalista sira: Lucia / Carla / Elfiana
