Lian Orluli-19-07-2022- Vice Ministru Saúde Bonifácio Maukoli dos Reis lansa Programa bé, saniamnetu no ijene iha sentru saúde Ainaro, fundus ba melhoramentu saneamentu be’e no ijene ne’e hetan suporta husi Povu Amerikanu liu husi nia Agensia USAID iha Timor-Leste ho total orsamentu US$ 400.000,00 ba sentru saúde rua Ainaro no Aileu
Iha diskursu durante lansamentu ba programa ne’e Vice Ministru Saúde Bonifasio Maucoli dos Reis hato’o nia agradesesimentu em nome Governu Timor-Leste ba doador USAID ne’ebé apoiu ona fundus ba UNICEF hodi halao lansametu ba meloramentu fasilidade be’e, saneamentu no ijene iha sentru saúde sira hotu ne’ebé destaka ona iha posto hat (4) iha Munisipio Ainaro.
“Aproveita ba oportunidade ne’e hau hakarak hato’o agradese ba UNICF no USAID ne’ebé sai hanesan parseiru dezemvolvimentu ne’ebé maka kleur tebes ho Ministériu Saúde hodi hametin diak liu tan iha Sistema Saúde, hau mos kontenti no previlegio marka prejensa iha fatin ida ne’e liu-liu ba lansamentu melloramneto fasilidade be’e no saneamentu tu ida ne’e”.
Iha parte seluk Vice Ministro ne’e mos louva servisu USAID no UNICEF ne’eb’e iha tempu difisil hanesan pandemia Covid-19 sempre hamutuk ho Governu Timor-Leste liu husi parseria ba halo programa prevensaun Covid-19 iha Munisipiu sira.
“ Hanesan ita hotu hatene USAID no UNICEF ne’e iha momentu ida defisil atravesa iha tempu pandeia Covid 19 sira maka sai parseiru importante hodi instala be’e iha fatin hotu, ohin sira nia diskursu ne’e ita hotu rona katak husi Munisipiu lima maka sira temi ona hanesan Baucau, Manatuto, Dili, Cova Lima no Ermera, hamutuk fatin 33 maka halo tia ona aktividadebiida ne’e, rejultadu diak tebes, tamba hare ho redusan kazu Covid-19 menus tamba ita nia prevensaun ne’e makas tebes liu-liu iha be’e.” tenik Vice Ministro ne’e.
Iha okazisaun hanesan Diretora USAID Sra. Zema Semunegus salenta total orsamentu ne’ebé apoiu husi Estadus Unidus America ba UNICEF no Ministeriu Saúde hodi hadia fasilidade be, saneamentu no ijene ba sentru Saúde sira iha Munisipiu Ainaro no Aileu hamutuk vlor osan Dolar Amerikanu rehun atus hat (US $ 400, 000.00).
“ Hau kontenti ita nia servisu hamutuk hametin Sistema saúde iha sentru komunitaria sira, hau kontenti ba maluk sira hotu bele mai partisipa hodi rona anunsia osan ne’ebé maka apoiu ona ba iha sentru komunitaria sira ho Dolares Amerikanu rihun atus hat ($ 400.000.00) no apoiu adisional ida tan husi dolar amerikanu rihun atus lima ($ 500.000,00) nebe aloka ona iha inisiu tinan ida ne’e nian iha loron 5 fulan maio tinan 2022 ”. Nia Relata.
Entertantu aktividade lansamentu ba Fundus USAID ba meloramentu fasilidade be, saneamentu no Ijiene halao iha Sentru Saúde Ainaro ne’ebé marka perjensa husi Vice Ministru Saúde ho ekipa no Diretora Misaun USAID, reprejentante UNICEF, hetan partisipasaun masimu husi reprezentante Sentru Saúde Munisipiu Ainaro no Autoridade lokal Munisipiu Ainaro inklui liñas sekotorais sira iha Munisipiu Ainaro.
Editor : Lian Orluli
