Lian orluli-28/03/2022- Direktor Jestaun Merkadu e turismo kopera ho autoridade local Munisipiu inklui PNTL , halo limpeja muda vendedores sira ne’ebe fa’an iha area koridor lori ba iha sentru merkadu
Ba jornalista lian orluli; Direktor Gestaun Merkadu e Turizmu, Clementino De Araujo hateten ; bazeia ba lei Númeru 33/2008. ekipa limpeza jeral halo limpeza hodi muda vendedores sira ne’ebe fa’an sasan iha koredores no Estrada protokolu edifisiu CVTL no kampu Futeboll nian, muda sira ba iha sentral merkadu.
“Atividade ba loron ida ohin ita halo limpeza hodi muda sira ne’ebe fa’an sasan iha Estrada ibun iha CVTL nia oin ou Estadiaun iha kampu Futeboll nia oin, ita bazeia ba Lei Numeru 33/2008 ne’ebe bandu ona , ema atu fa’an sasan iha Estrada ibun no loja oin”. Dehan Direktur Gestaun mercado Clementino de Araujo.
Aleinde ne’e director ne’e hatutan; ”bazeia ba lei ida ne’e iha fulan Outobru tinan 2021 Administrador Municipiu Ainaro hasai sirkular para atu limite ema ne’ebe fa’an sasan iha Estrada ibun no loja oin, e halo mudansa ona iha tempu ne’eba, iha sirkular ne’e ita halo inkontru hodi estabelese mos akta ida, iha akta konjunta ne’e kompostu husi administrador rasik no tuir fali komandante nune’e tuir tan mai ho linhas sektorais ne’ebe relevantes atu iha komisaun ida ne’e hodi ezerse funsaun hodi halao atividade ne’ebe mak iha, ita halo kontinuasaun husi atividade ne’e reativa sirkulasaun sr.Administrador Munisipiu Leovejildo, iha 2021, tamba ne’e iha ekipa konjunta ne’e mai kontinua halao fila fali ativadade limpeza iha fatin ne’ebe la eziste atu fa’an modo kualker buat ruma iha CVTL nia oin”. Nia hatutan
Direktur Jestaun Merkadu E Turismo mos salienta. “ husi governu local sei inkaminha informasaun ba governu central para oinsa ita nia merkadu centru Ainaro ne’e bele hadia no konstrui atu bele akomula vendedores hotu-hotu iha Estrada ibun ne’e ba centraliza hotu iha merkadu Ainaro.
Editor : Lian Orluli
