Lian Orluli — Vendedores ne’ebé faan iha trotoar leten okupa espasu públiku, konsidera merkadu munisípiu Ainaro ijoladu tanba la inklui vendedor sira hotu, la atrai kompradores sira, no la fo rendimentu di’ak
Mafalda husu Autoridade Munisípiu atu hadia merkadu hodi dada komprador sira, kona-ba merkadu
” Merkadu ne’e ijoladu tebes la atrai ema ba sosa ita modo sira, inklui estrada mos la diak, iha ami fan deit modo tahan, se lorón tomak ida mk ema la sosa ami nia modo sira etraga hotu no soe deit”, dehan vendedora Mafalda.
Vendedora ne’e kompara, antes ne’e iha merkadu tuan maske fan iha trotoar leten maibe bele hetan rendiementu diak liu, vendedores sira bele sosa lai’s, tanba ne’e husu atu tau merkadu iha fatin públiku
“Nune mos ami husu ba autoridade atu tau merkadu iha fatin públiku nune bele atrai ema ba sosa ami nia modo, no amiga sira faan iha ne’e ami kumpri hela estadu ami mos se’i la halo foer iha fatin ida ne’e,”dehan nia.
Alende ne’e negosiante sira mos preokupa tanba laiha espasu naton ba sira hodi buka moris.
” Merkadu ne’e, ema nakonu hotu ona, ami sira iha ne’e kuandu ba faan iha leten fatin ba ami laiha, ho nune’e maka ami hili faan iha trotoar leten ne’e, no husu ba estadu loke merkadu luan nune’e bele fo espasu ba ami hodi faan, lae ami nafatin faan de’it iha trotoar leten”, haktuir vendedora Jacinta.
Hatan ba preokupasaun hirak ne’e Prezidente Autoridade Munisípiu Ainaro, Manuela Georina Carmo Bucar Corte-Real hateten merkadu munisípiu Ainaro la’os fatin apropriado fa’an modo tahan nian, no sei prepara fatin luan hodi akumula vendedor sira.
“hau mai iha ne’e la servisu mesak, hau hamutuk ho ita bo’ot sira tanba ne’e komunidade Munisipiu Ainaro, ita hotu senti katak Ainaro ne’e ita hotu nian, tenki halo kontribuisaun, oinsa mak atu dezenvolve hadia Ainaro ne’e, fatin ida iha ne’eba ne’e laos fatin apropriadu para atu ba fa’an modo nian, ita iha merkadu, hau fiar katak ita bo’ot sira hatete kondisaun iha ne’eba laiha, ita ba utiliza espasu ne’ebe mak sei mamuk hela ita uja iha ne’eba, hau fiar katak komprador sira sei ba iha ne’eba tanba sira presija modo sira tenki ba iha merkadu, ezemplu ki’ik ida mak hau bele foti uluk iha Dili ami loke merkadu iha manleuana kuandu ami halo merkadu ema hotu-hotu lakoi tansa mak tenki ba loke fali merkadu ida iha leet ne’eba mais na realidade hotu-hotu ba sosa modo ou kualker saida deit ema sempre ba iha ne’eba, ita Ainaro mos mai ita hamutuk mai ita hadia sidade Ainaro ho ita hotu nia konsiensia katak fatin ne’ebe mak laos atu fa’an sasan nian ita labele fa’an, mai ita ba hamutuk iha merkadu atu fa’an sasan sira iha merkadu mak fatin apropriadu ba ita halo atividade negosiu” Dehan PAM
Prezidente Autoridade Munisípiu Ainaro ne’e husu ba Negosiante sira ne’ebé uza fatin monomentu Corte-Real Sorin atu hamaluk fatin ne’e tanba okupa espasu Públiku.
“husu ba ita nia inan feton sira ne’ebe mak agora daudaun uteliza hela fatin iha monomentu nia kotuk no sorin ne’e fatin laos apropriado atu fa’an sasan iha ne’eba fatin estrada publiku iha futuru mai ita sei loke fatin ne’eba movimentu transporte no ema lao ba mai, laos fatin apropriado atu fa’an sasan hau husu komprensaun ita bo’ot sira nia konsiensia atu ita hamutuk hadia ita nia Munisipiu ne’e ita bo’ot sira muda rasik ba iha merkadu fatin ne’eba mak apropriadu atu bele fa’an sasan nian, ne’e laos fatin izoladu fatin ida ne’ebe mak ita tau iha merkadu ne’e kondisoes ida ne’ebe mak ita seidauk hadia ita labele hadia buat ne’ebe mak hamutuk dala ida ita fazeadamente merkadu sai hanesan prioridade ba ita nian ita mak hakarak hateten fatin izoladu Fatin ne’eba publiku ita hotu hare katak fatin ne’eba iha loron bazar ita hotu sempre ba hamutuk iha ne’eba laiha rajaun ita atu hateten fatin izoladu se ita hotu konsentra hamutuk iha Fatin ida ne’eba hau fiar katak komprador sira sei ba vijita ita nia merkadu no fatin ne’ebe mak ita fa’an sasan ba se ita fa’an namkari iha dal-dalan ema la mai iha merkadu tamba nia hare mos fatin ne’eba fatin ne’eba laos apropriado atu fa’an sasan mai ita hotu hamutuk hadia ita nia Sidade Ainaro mai fa’an sasan iha Fatin ne’ebe mak propriu duni ba ita bo’ot sira”, nia hakotu.
Merkadu Ainaro neebe dau-daun ne’e negosiante sira utiliza laos fatin apropriadu
Autoridade sei kontinua esforsu hodi loke merkadu ho espadu naton ba vendedor sira.
Enkunatu dau-daun ne’e vendedor sira balu husi postu administrativu ha’at iha Ainaro okupa deit trotoar hodi buka moris
Jornalista : pedrolina
Editor : Lian Orluli
