Lian Orluli— Veterana Desmovilzada Helena Fátima (Kódigu Harohan Tahan Susar) afirma, uluk funu beik mak tau iha oin wainhira funu remata beik tau iha kotuk, hodi haluha lakon hotu sira ne’ebé hahu no hakotu funu ne’e. tanba ne’e rekomenda ba governu tenki valóriza veterana desmovilizada sira nia moris
“Rekomenda ba governu tenki valoriza mós maluk sira ne’ebé durante horiseik hor bai-ruak luta hamutuk ho maun boot sira, tenki valóriza mós sira, labele halo sira hanesan mós krime, funu karik ami beik ba oin kuandu funu hotu ona ami beik ba fali kotuk matenek ba fali oin hodi haluhan lakon ami ida ne’ebé ha’uhu funu ne’e, ami triste tebes”,afirma Veterana Helena
Veterana ne’e hatutan tan, governu tenki trata veteranus dezmovilizado sira ho dignu, tanba saláriu dolar $2,40 la sufesiente.
“ Iha momentu ne’ebá ha’u ho maun boot sira lao hamutuk, ha’u mós kaer kilat, ha’u mós nu’udar FALINTIL ida iha ai-laran, maibe to’o ohin loron ema ne’ebé maka la luta naruk goja los independensia ida ne’e, hanesan ami sira ne’e marka pasu iha fatin deit, nune’e mós maluk Veteranu balu, ami oitu a karorze 8/14 hanesan, maibé sira hetan uma digno, ami sira ne’e nafatin de’it hetan maka osan doizentus korenta (2.40) dolar kada fulan, ami sente ida ne’e la sufisiente, pelumenus ami ida ne’ebé mak nu’udar ema dismobilizadu, Governu tenki tau matan ba ida ne’e tenki aranza mós fatin diak ida ba ami hanesan mós maluk sira ne’ebé maka Governu tau ona uma ka fatin dignu ona ba iha sira”,dehan veterana ne’e
Veterana Helena (Harohan Tahan Susar) dehan to oras ne’e governu sedauk trata diak feto maluk vetrana sira ne’ebé terus hetan pankada husi inimigu sira to oras ne’e sofre moras oin-oin
“Ha’u nia maluk veteranu no veterana sira ne’ebé mak agora dau-daun Governu seidauk valoriza ha’u trisre tanba iha momentu ne’ebá ami terus hamutuk balu simu pankada,balu simu baku, balu simu terus oi-oin tanba ukun rasik-an ida ne’e, maibe to’o ikus fali mai ami ne’ebé luta, maun boot sira ba tia oin haluhan tia ami, ami ida rua de’it mak bele hetan, maluk ne’ebé mak iha vila laran nunka hakat ba foho sorin nunka-se halo buat ida maibe sira maka hakat ba oin hodi hetan oitu A katorze 8/14 ida ne’e ami trisre tebes”, Veterana Hela rekomenda
Iha fatin hanesan komunidade Munisípiu Ainaro Francisco Soares, agradese ba Governu deside loron 3 de Marsu ba loron veteranus, hodi refleta fali veteranu sira nia luta iha prosesu konstrusaun nasaun RTDL, primeira vez foin halo selebrasaun loron 3 de Marsu iha Munisípiu Ainaro, maibe’e governu presija mos atensaun ba faluk no oan kiak to’o oras ne’e sedauk iha atensaun.
“Ha’u agradese ba governu, ba tinan ida hanoin ona veteranu sira nia loron, komesa(1999) ate ohin loron (2024)primeira vez foin halo selebrasaun dia 3 de marsu iha munisípiu Ainaro kona-ba loron veteranus ne’ebé durante hahú no mós inisiu hahu funu, ohin ami agradese ba governu hanoin ona aman no inan veteranus sira nia loron,agradese tebes tanba barak mak lakon nia vida hodi liberta rai ida ne’e maibe iha ami balu moris para atu bele hadia rai ida ne’e hodi dezenvolve rai ida ne’e, nu’udar ema veteranus ita tenki prove istoria sira. Ami hakarak hato’o rekomendasaun ba governu, tanba durante ne’e ami sente triste lakon aman inan maun alin iha tempu hahú 75 to’o agora iha kiak faluk, governu seidauk iha rekoñesementu, hakarak apela ba governu bele fó hanoin no toma atensaun ba ida ne’e”. Franciscu hakotu
Enkuantu serimonia loron Veteranus iha isar bandeira, akompaña husi Prezidenti konsellu kompatente libertasaun nasionál Munisípiu Ainaro, Júlio da Conceção (Loro Mesak), Prezidenti Autoridade Munisípiu Ainaro (PAM) Manuela Geogina Carmo Bucar Corte-Real, Komandante Komandu PNTL Munisípiu Ainaro, Autoridade protesaun sivil, Administrador postu 4 no sefe suku, veteranu no veterana sira, partisipasaun másimu husi professores no estudantes sira, inlkui komunidade Munisípiu Ainaro.
Estajiu: Luciana Reis da Cruz/Carme de Jesus Flora
Editor : Lian Orluli
