Ainaro Lian Orluli 08-12-2022- Veteranu Farancisco Xavier kodigu (Mauforu) ho Idade 75 husu Estado tenki valoriza loron 7 de Dezembru, tanba loron ida ne’e forsa Indonezia sira mai invade iha Timor-Leste iha tinan 1975.
“Ha’u hakarak hateten, loron 7 Fula Dezembru sai hanesan loron istória “Moruk” bá Timor-leste ,Tamba Indonézia halo invazaun mai Timor-leste ho nia konsikuensia bo’ot ba Timor oan rihun ba rihun mate barak, dadur barak destera hamlaha mai to iha tinan 1999,” esplika Veterano Fernando “Mauforu” ba jornalista orluli news kurta (7/12/22) iha nia rezidensia Kamilaran Ainaro
Maforu nia konsedera akontesemnetu sira iha pasadu nudar Memoria moruk tnba ne’e Estado no Governu presiza valoriza lrorn istoriku ne’e atu nune’e jerasaun sira bele hatene liu husi selebrasaun tinan-tinan.
” Tamba ne’e ha’u hanesan Subreziaun Munisipio Ainaro senti triste hare’e ba loron 07 de Dezembru ne’e lororon ne’ebè marka istòria Moruk tebes ba povu Timor-Leste barak mak mate, dadur, barak destera husi ema Indonesia sira to’o iha tinan 1999, maibe’e husi parte Estado no Governu tau konsederasaun. Husu ba Governu atu tau loron 07 fulan dezembru hanesan loron ne’ebe Prizionèrio polìtika Sira hodi bele fo ondra ba sira ne’ebè mate ona, no ba Prizionerio Sira ne’ebè sei Moris hodi nune’e bele hatutan istòria ba Jerasaun foun Sira,” dehan Mauforu.
Enkuantu Veteranus Francisco Xavier ho kodigu (Mauforo) sai hanesan Subrizaun Lidera rejiaun 3, maka hanesan rejiaun Ainaro, Maubisse no Hato-udo , hodi funu hasoru Indonezia iha tinan 1974 to’o tinan 1975 Indonezia harahun Palásiu Díli nune’e hodi Indonezia ukun mai to’o tinan 1999.
“ Momentu ne’e ha’u ho armada ho kilat hodi funu hasoru ita nia maun alin UDT sira ne’ebè ba lori fali Indonezia mai hodi harahun Timor, no iha dia 06 Dezembru hau sei lori kareta ida hodi tula hahan ba iha fronteira Suai no Zumalai ,Tilomar no Fohorem, no dia 08 Dezembru ha’u to’o fali iha Ainaro depois ami hodi kria reniaun ida ho Manuela Pereira hodi fahe ba grupo 3 Lemos ho nia ema ba okupa foho Surulau0, João Magalhaes ho nia grupo ba okupa Mamalau depois ha’u ho grupu ba okupa Lugatu nune’e iha dia 25, inimigu tama iha Ainaro depois ami fahe malu tiha, depois ami grupu 3 nee hamutuk fila hodi ba kontra forsa Indonezia sira”,haktuir vetranus ne’e.
Hafoin iha baze segundo ne’e, iha tinan tolu nia laran lori Ramelau no Kablaki hadau malau rai Lugatu.
“ Ami ba fali iha Same Alas depois hodi liu mai Mai iha Betanu no ha’u buka jeitu hodi mai iha Hato-udo nune’e hodi Hela iha Hato-udo kuaze tinan 2 , komesa ne’e ema Indonezia komesa deskonfia no oho ema balun, depois ha’u komesa halai mai iha Ainaro, ha’u hodi servisu iha kartoriu, maibé fulan ida manan osan Indonezia ho valor 5 ribu , no Subrezaun ne’e mosu ha’u halo hanesan Dirésaun Direktiva hodi organiza ema fo informasaun sai ba liur fó hahan ba ema to’o tama ba iha 1998, sira bolu ha’u sa’e ba hodi ba to’o iha Díli Liquisa, Ermera hodi to iha Fatubessi hodi nomeia ha’u sai hanesan Sekrétriu Subreziaun, maibé ha’u lakoi simu, tamba ha’u sa’e ba ema lakoñese ha’u ha’u fila-fali Mai iha Ainaro hodi halibur fali ha’u nia Sekrétario sira kolega Sira ba fali Díli hodi haruka Adjuntu Tara ho ema lubun ida mai ami hala’o enkontru iha Aituri-Laran, depois sira hodi foti ha’u sai hanesan Sekrétario Subrezaun iha Postu Ainaro, Hato-udo Maubisse Hato-Builico, ne’e to’ o 1999 hodi hetan solusaun ba CNRT iha tinan 2002,” haktuir veterano Mauforu
Jornalista : Clementina Fatima/Sara lews
Editor : Orluli news
